Фота Аўдыё Відэа  
be  ru  pl  en  de info@catholic.by
У Гомелі католікі завяшчаюць свае ўнутраныя органы медыцыне
Беларусь - Пінская дыяцэзія
10.02.2014 11:36

Па ініцыятыве парафіян і пры падтрымцы пробашча парафіі Нараджэння Божай Маці, а таксама па благаслаўленні дапаможнага біскупа Пінскай дыяцэзіі Казіміра Велікасельца ў гомельскім касцёле праходзіць беспрэцэдэнтная акцыя: католікі падпісваюць добраахвотную згоду на выкарыстанне пасля смерці сваіх унутраных органаў у транспланталогіі.

“Дарэнне сваіх органаў медыцыне - гэта таксама справа любові да бліжняга”, - адзначыў у сувязі з гэтым пробашч парафіі кс. Славамір Ласкоўскі.

“Каталіцкі Касцёл заклікае вернікаў завяшчаць свае органы пасля смерці бальніцам для трансплантацыі. Таму што так чалавек дае жыццё іншым людзям. Аднак на гэта павінна быць асабістая згода кожнага чалавека. Закон Божы, у адрозненне ад закона дзяржавы, загадвае выкарыстоўваць органы для перасадкі толькі тых людзей, якія папярэдне далі сваю згоду на гэта. Мы дэкларуем гэтую згоду для чысціні свайго сумлення”, - дадаў вікарый парафіі кс. Дамінік Шыманскі.

Акцыю вітае кіраўнік РНПЦ «Трансплантацыі органаў і тканак», галоўны пазаштатны трансплантолаг Міністэрства аховы здароўя Беларусі Алег Румо:“Нам вельмі прыемна, што вернікі нас падтрымліваюць. Так, з юрыдычнага пункту гледжання, такія заявы не маюць сілы, паколькі па беларускіх законах медыкі кіруюцца прэзумпцыяй згоды. Гэта значыць, урачы выкарыстоўваюць органы памерлых людзей без яго завяшчання або згоды сваякоў. Калі ж чалавек прынцыпова не хоча, каб яго органы ў выпадку смерці маглі перасадзіць іншаму, ён мае права напісаць заяву па месцы жыхарства, яго дадзеныя занясуць у агульны рэестр. Але акцыя, якую вы праводзіце, паказвае, што не нам, медыкам, патрэбныя органы, а цяжка хворым людзям, якіх можна выратаваць толькі дзякуючы трансплантацыі”.

Вернікі, якія жадаюць завяшчаць у выпадку раптоўнай смерці свае органы медыцыне, могуць узяць спецыяльныя карткі на першым паверсе касцёла, запоўніць іх і насіць пры сабе. Таксама можна спампаваць бланкі для картак.

Паводле сайта Нараджэння Божай Маці

(AG)

 

Пры выкарыстанні матэрыялаў сайта спасылка на Catholic.By абавязкова.

Беларусь - Пінская дыяцэзія

24.03 12:57Зварот біскупа Пінскай дыяцэзіі Антонія Дзям’янкі з нагоды 85-й гадавіны смерці Слугі Божага біскупа Зыгмунта Лазінскага
21.03 15:26Паслугі акалітату прынялі двое навучэнцаў пінскай семінарыі
08.03 10:00У пінскай семінарыі прайшла акцыя «Семінарыст на ўік-энд»
07.03 16:43У Жлобіне ў дзень парафільнага адпусту віншавалі з імянінамі біскупа Казіміра Вялікасельца (абноўлена)
01.03 11:23У Пінску і Мазыры адзначылі 30-годдзе святарства кс. Тадэвуша Воласа SCI
28.02 08:33Фотаздымкі Пінска часоў нямецкай акупацыі з выявамі страчаных сёння касцёлаў выстаўлены на eBay
20.02 16:24«Молімся, каб Бог паслаў нам сястру з Беларусі»: як працуюць і чым жывуць манахіні з Дома міласэрнасці ў Гомелі?
20.02 10:13Пінская семінарыя ладзіць акцыю «Семінарыст на ўікенд»
15.02 11:50Пінскі музей экспануе унікальны альбом з фотаздымкамі работ Гэлены Скірмунт з помнікамі сакральнага мастацтва
14.02 11:58«Каб усе былі адно»: у Баранавічах прайшоў VI фестываль хрысціянскай музыкі (дададзены фотарэпартаж)