Фота Аўдыё Відэа  
be  ru  pl  en  de info@catholic.by
Дыпломы катэхетаў уручылі выпускнікам Мінскага тэалагічнага каледжа
Беларусь - Мінска-Магілёўская архідыяцэзія
19.06.2017 14:12

Заканчэнне навучальнага года і ўручэнне дыпломаў выпускнікам Мінскага тэалагічнага каледжа імя св. Яна Хрысціцеля адбылося 17 чэрвеня ў мінскім Чырвоным касцёле. Мерапрыемства распачалося святой Імшой, у якой прынялі ўдзел выкладчыкі, выпускнікі і студэнты каледжа.

Святую Імшу ўзначаліў кс. Ян Крэміс, які з’яўляецца дырэктарам гэтай навучальнай установы.

З гаміліяй да прысутных звярнуўся кс. Юрый Санько, у якой заклікаў будучых катэхетаў не заставацца на мелкаводдзі, дзе «прыемна і спакойна», а не баяцца «выплысці на глыбіню», каб праслаўляць Бога і сведчыць пра Яго іншым.

Пасля Імшы ў дольным касцёле прайшло ўручэнне дыпломаў выпускнікам, якіх у гэтым годзе было 18 чалавек. 7 чалавек атрымалі дыплом катэхета, 9 чалавек — дыплом катэхета і кантара, яшчэ два чалавекі атрымалі дыплом без прысваення кваліфікацыі.

Выступаючы перад прысутнымі, кс. Ян Крэміс распавёў аб увядзенні з наступнага навучальнага года новай спецыяльнасці, студэнты якой будуць вывучаць тэалогію і сродкі масавай камунікацыі.

Пазней студэнты другога курса прадставілі сцэнку, у якой была разыграна сітуацыя з жыцця «маладога спецыяліста-катэхета» і паказаны цяжкасці, з якімі ён сутыкаецца на сваім шляху.

Таксама выпускнікі атрымалі памятныя падарункі ад цяперашніх студэнтаў установы — драўляныя сувеніры з эмблемай каледжа і паштоўкі з цытатамі са Святога Пісання.

У якасці падзякі выпускнікі падрыхтавалі для выкладчыкаў каледжа прэзентацыю, у якой асабіста ўзгадалі кожнага з іх. Уступная кампанія ў Мінскі тэалагічны каледж імя св. Хрысціцеля на 2017/2018 навучальны год распачалася 15 чэрвеня.

Таццяна Грамыка, фота Аркадзя Абаева

Фотарэпартаж
 

Пры выкарыстанні матэрыялаў сайта спасылка на Catholic.By абавязкова.

Беларусь - Мінска-Магілёўская архідыяцэзія

22.06 17:587 незвычайных фактаў пра Эдварда Вайніловіча, у гонар якога хочуць перайменаваць сквер у Мінску
21.06 08:51«Рыбы» і Laudans прадставяць Касцёл Беларусі на фестывалі «Магутны Божа»
20.06 16:13Бабруйск: Апостальскі Нунцый Габар Пінтэр памаліўся ў справе мясцовага касцёла
20.06 15:38Пілігрымы з Маладзечна дзеляцца сваім досведам пра шлях у Будслаў пешшу
19.06 15:48Мітрапаліт Кандрусевіч удзяліў сакрамэнт канфірмацыі вернікам у Свіры (+фота)
19.06 15:0425-годдзе адраджэння парафіі Св. Антонія адзначылі ў Слуцку
19.06 14:37У Мінску прайшла канферэнцыя ў гонар св. Шарбэля
19.06 14:12Дыпломы катэхетаў уручылі выпускнікам Мінскага тэалагічнага каледжа
19.06 12:11«Касцёл на Магілёўшчыне — жывы»: урачыстая працэсія Божага Цела прайшла ў Магілёве
19.06 11:36У Нясвіжы распачалі духоўную падрыхтоўку да святкавання 425-годдзя касцёла Божага Цела