Штогод 2 лютага, у свята Ахвяравання Пана, адзначаецца дзень кансэкраванага жыцця. З гэтай нагоды кансэкраваныя асобы збіраюцца на супольную малітву і святую Імшу, падчас якой аднаўляюць абяцанні жыць згодна з евангельскімі парадамі.

Сустрэча кансэкраваных асобаў, якія нясуць служэнне ў Мінска-Магілёўскай архідыяцэзіі, пройдзе ў мінскай архікатэдры Імя Найсвяцейшай Панны Марыі 1 лютага. Пачатак у 11.00. Узначаліць сустрэчу Мітрапаліт Тадэвуш Кандрусевіч.

• 11.00 — даклад а. Кшыштафа Пасьвяты,
  адарацыя Найсвяцейшага Сакрамэнту
• 12.00 — святая Імша (узначаліць Мітрапаліт Тадэвуш Кандрусевіч)
• 13.15 — пачастунак у дольным касцёле 

(VGr)