Як будзе адзначацца 2011 пастырскі год у Касцёле ў Беларусі |
Беларусь - Мінска-Магілёўская архідыяцэзія
|
20.01.2011 16:13 |
Святкаванне 2011 пастырскага года ў Каталіцкім Касцёле ў Беларусі, лучнасць з Касцёлам у радасці з прычыны хуткай беатыфікацыі Яна Паўла ІІ — гэта толькі асноўныя пытанні, на якія звярнуў увагу Мітрапаліт Тадэвуш Кандрусевіч падчас пастырскай сустрэчы 20 студзеня 2011 г.
Арцыпастыр зрабіў наступныя паведамленні:
- 22 студзеня ў мінскай архікатэдры ў 18.30 Апостальскі нунцый у Беларусі арцыбіскуп Марцін Відавіч узначаліць святую Імшу ў межах Тыдня малітваў за адзінства хрысціянаў. У 19.30 распачнецца спецыяльнае набажэнства, на якое запрошаны прадстаўнікі розных хрысціянскіх канфесій.
- 1 лютага, у дзень малітваў аб святасці кансэкраваных асобаў, адбудзецца набажэнства ў Барысаве ў 11.00.
- У сувязі з запланаванай на 1 мая 2011 г. беатыфікацыяй Яна Паўла II пілігрымка ў Святую Зямлю пераносіцца на 8–15 кастрычніка. Адказны за арганізацыю — кс. Антоні Клімантовіч.
- Плануецца арганізаваць пілігрымку ў Рым на ўрачыстасці беатыфікацыі Яна Паўла ІІ. У выніку станоўчага вырашэння пытання ў Вечным Горадзе будзе арганізавана супольнае набажэнства для пілігрымаў з Беларусі.
- 8 мая ў мінскай архікатэдры адбудзецца набажэнства падзякі за беатыфікацыю Яна Паўла II.
- Пастырскі Год Божай міласэрнасці пройдзе пад дэвізам «Божая міласэрнасць — адзіная надзея свету». Распрацаваны графік набажэнстваў па дэканатах (гл. ніжэй) з нагоды Года Міласэрнасці. Абраз Езуса Міласэрнага наведае цэнтры дэканатаў, дзе ў адмысловым набажэнстве прымуць удзел вернікі з парафій дэканата. Гэтаму дню будзе папярэднічаць спецыяльнае набажэнства па парафіях. 8 мая абраз Езуса Міласэрнага будзе перанесены ў мінскую архікатэдру, а 29 мая яго пранясуць па вуліцах горада ў працэсіі на Божае Цела. 19 чэрвеня падчас святкавання 20-годдзя заснавання Мінска-Магілёўскай Мітраполіі абраз будзе знаходзіцца ў Чырвоным касцёле.
Наступная пастырская сустрэча адбудзецца 24 лютага ў Чырвоным касцёле ў Мінску. фПраект
Графік набажэнстваў па дэканатах з нагоды Года Міласэрнасці
- 7 мая — Мінск (Лошыца).
- 8 мая — Мінск (архікатэдра).
- 14 мая — Нясвіж.
- 15 мая — Рубяжэвічы.
- 21 мая — Івянец.
- 22 мая — Вілейка.
- 28 мая — Дзяржынск.
- 29 мая — Мінск. Працэсія Божага Цела.
- 4 чэрвеня — Чэрвень.
- 5 чэрвеня — Бабруйск.
- 12 чэрвеня — Маладзечна.
- 19 чэрвеня — Мінск (Чырвоны касцёл). 20-годдзе заснавання Мінска-Магілёўскай Мітраполіі.
- 25 чэрвеня — Лагойск.
- 26 чэрвеня — Барысаў.
- 1-2 ліпеня — Будслаў.
- 3 ліпеня — Слуцк.
- 3 верасня — Мсціслаў.
- 4 верасня — Магілёў.
- 10 верасня — Касцюковічы.
- 12 верасня — Мінск (архікатэдра).
|