Фота Аўдыё Відэа  
be  ru  pl  en  de info@catholic.by
Заява Мітрапаліта Тадэвуша Кандрусевіча — старшыні Канферэнцыі Каталіцкіх Біскупаў у Беларусі — адносна падзей 25-26 сакавіка 2017 г.
Іерархі
26.03.2017 16:26

https://catholic.by/2/images/stories/news/2016/12/2/2016-12-27-kandrusiewicz.jpgАэрапорт г. Франкфурт-на-Майне,
26 сакавіка 2017 г.


Знаходзячыся ў аэрапорце Франкфурта, па дарозе са Злучаных Штатаў Амерыкі ў Беларусь, з вялікай занепакоенасцю я ўспрыняў сітуацыю, якая ўзнікла у Мінску і іншых гарадах падчас учарашніх і сённяшніх падзей.

Недахоп часу не дазваляе цалкам асэнсаваць становішча, якое ўзнікла, але яно нагадвае пра складанасць выклікаў, якія сёння паўсталі перад нашай Бацькаўшчынай.

Гісторыя беларускага народа сведчыць аб тым, што ён заўсёды вылучаўся сваёй разважлівасцю і знаходзіў мірныя шляхі для вырашэння ўзнікаючых праблем.

25 сакавіка Каталіцкі Касцёл адзначаў урачыстасць Звеставання Пана, калі мы разважалі над тым, што Бог выбраў Марыю быць Маці Збаўцы. Яна прыняла Божую волю, і пад яе Беззаганным Сэрцам пачало біцца Сэрца Езуса — Валадара спакою, падчас нараджэння якога анёльскія хоры спявалі:  «Хвала на вышынях Богу, а на зямлі мір людзям добрай волі».

Таксама і нам, дарагія суайчыннікі, неабходна перадусім прыняць заклік Бога да ўзаемнага прымірэння, пакуль не зойдзе сонца, як кажа Святое Пісанне, каб не наступіла ноч супрацьстаяння.

У сувязі з гэтым заклікаю дзяржаўную ўладу і яе апанентаў, а таксама грамадскія арганізацыі і людзей розных поглядаў да канструктыўнага дыялогу з мэтай вырашэння існуючых праблем для дабра нашага народа і кансалідацыі грамадства.

Выказваю надзею на гуманныя і справядлівыя адносіны да затрыманых і спадзяюся на хутчэйшае іх вяртанне дадому.

Дзева Марыя, Валадарка спакою, выпрасі беларускаму народу ў свайго Сына Езуса Хрыста ласку мірнага жыцця і павагі адно да аднаго, з захаваннем дадзеных нам Творцам правоў і выкананнем ускладзеных на нас абавязкаў.

З малітвай аб міры ў нашай Бацькаўшчыне.Арцыбіскуп Тадэвуш Кандрусевіч
Мітрапаліт Мінска-Магілёўскі
Старшыня Канферэнцыі Каталіцкіх Біскупаў у Беларусі

 

Пры выкарыстанні матэрыялаў сайта спасылка на Catholic.By абавязкова.

Іерархі

16.05 13:52«Уражвае дабрыня мясцовых вернікаў»: Апостальскі Нунцый падсумаваў візіт у Віцебскую дыяцэзію
16.05 12:13На завяршэнне сімпозіума ў Жодзіне Мітрапаліт Кандрусевіч выступіў з дакладам пра тэалогію фацімскіх аб’яўленняў
03.05 06:19Пастырскае пасланне арцыбіскупа Тадэвуша Кандрусевіча на Дзень малітваў аб пакліканнях
02.05 16:05Мітрапаліт Кандрусевіч: Прыйшоў час вырашыць пытанне аб рэлігійным выхаванні ў школах
02.05 15:31Мітрапаліт Кандрусевіч: Касцёл негатыўна ставіцца да стварэння каталіцкай партыі
02.05 14:34Мітрапаліт Кандрусевіч: Беларусі патрэбен закон аб рэстытуцыі
02.05 13:51Мітрапаліт Кандрусевіч: Я не ведаю ніводнай краіны, акрамя Беларусі, дзе замежны святар павінен прасіць ва ўладаў дазвол на цэлебрацыю св. Імшы
02.05 12:55Мітрапаліт Кандрусевіч: у Беларусі наспела рэформа дзяржаўна-рэлігійных адносін
01.05 10:52Апостальскі Нунцый Габар Пінтэр пракаментаваў падпісаную ў Егіпце дэкларацыю паміж Касцёлам і Копцкай Праваслаўнай Царквой
27.04 13:59Арцыбіскуп Кандрусевіч наведаў санктуарый Маці Божай Ліхэньскай у Польшчы