Фота Аўдыё Відэа  
be  ru  pl  en  de info@catholic.by
Біскуп Аляксандр Яшэўскі SDB да ўдзельнікаў Легіёна Марыі: «Будзьце вуснамі, рукамі і нагамі Езуса»
Іерархі
28.12.2016 15:24

28 снежня, як і штогод, члены Легіёна Марыі катэдральнай парафіі Унебаўзяцця Найсвяцейшай Панны Марыі і святога Станіслава ў Магілёве сабраліся на аплаткавую сустрэчу.

Ганаровым госцем сустрэчы стаў біскуп вікарый Магілёўскага рэгіёна Аляксандр Яшэўскі SDB, які прыбыў да легіянераў разам з кс. Дзянісам Бразінскім.

Біскуп падзякаваў прысутным за служэнне іншым, асабліва за апеку над хворымі, за дапамогу пры дзяжурстве ў катэдры, за дбанне пра чысціню навакольнай тэрыторыі і прыбіранне ў святыні. Таксама біскуп адзначыў важнасць існавання ў парафіі Легіёна Марыі і іх служэння Касцёлу і ўсяму грамадству.

Іерарх заахвоціў легіянераў быць слугамі Езуса ў сучасным свеце: «Сёння Бог не мае сваіх вуснаў, каб абвяшчаць Добрую навіну і накіроўваць людзей на шлях збаўлення, як гэта было падчас Яго бачнай прысутнасці на зямлі. Сёння Бог не мае сваіх рук, каб з пачуцця любові і міласэрнасці абдымаць людзей, суцяшаць, бо яны прыбітыя да крыжа.

Сёння Бог не мае сваіх ног, каб ісці і абвяшчаць, які добры і міласэрны наш Айцец, бо і яны прыбіты да дрэва крыжа. Аднак Бог мае сёння нашыя вусны, нашыя рукі і нашыя ногі. Таму дайце Езусу свае рукі, ногі і сваё сэрца, пазычце Яму свае вусны для абвяшчэння Евангелля, якое заўсёды прыносіць вясну духоўнага абнаўлення і надалей з адвагай служыце харызматычнай сутнасцю Легіёна Марыі», — сказаў іерарх.


Ян Багдановіч
Фота кс. Дзяніса Бразінскага


Фотарэпартаж
 

Пры выкарыстанні матэрыялаў сайта спасылка на Catholic.By абавязкова.

Іерархі

19.06 09:58Фотафакт. Апостальскі Нунцый Габар Пінтэр наведаў парафію ў Асіповічах
16.06 11:43Мітрапаліт Кандрусевіч прыняў удзел у міжнародным форуме на тэму барацьбы з карупцыяй
12.06 12:30Паведамленне біскупа Пінскага Антонія Дзям’янкі з нагоды святкавання 400-годдзя асвячэння касцёла ў Ружанах
12.06 08:55Заклік біскупа Аляксандра Яшэўскага да вернікаў Магілёўскага рэгіёна да ўдзелу ў працэсіі Божага Цела
10.06 00:04Адкрыты ліст Мітрапаліта Тадэвуша Кандрусевіча лаўрэату Нобелеўскай прэміі спадарыні Святлане Алексіевіч
24.05 12:27Мітрапаліт Кандрусевіч прымае ўдзел у пасяджэнні італьянскага епіскапату
16.05 13:52«Уражвае дабрыня мясцовых вернікаў»: Апостальскі Нунцый падсумаваў візіт у Віцебскую дыяцэзію
16.05 12:13На завяршэнне сімпозіума ў Жодзіне Мітрапаліт Кандрусевіч выступіў з дакладам пра тэалогію фацімскіх аб’яўленняў
03.05 06:19Пастырскае пасланне арцыбіскупа Тадэвуша Кандрусевіча на Дзень малітваў аб пакліканнях
02.05 16:05Мітрапаліт Кандрусевіч: Прыйшоў час вырашыць пытанне аб рэлігійным выхаванні ў школах