Дарагая моладзь!

 

Папа Рымскі Францішак у гаміліі на закрыццё Сусветных дзён моладзі ў Рыа-дэ-Жанэйра ў 2013 годзе звярнуўся да моладзi: «Дарагая моладзь, мы дамовіліся на сустрэчу на наступныя Сусветныя дні моладзі ў 2016 годзе ў Кракаве, у Польшчы!»

 

У штогадовым пасланні да моладзі на 2016 г. Святы Айцец напісаў да вас: «Засталося некалькі месяцаў да нашай сустрэчы ў Польшчы. Кракаў, горад св. Яна Паўла ІІ і св. Фаўстыны Кавальскай, чакае нас з распасцёртымі абдымкамі і адкрытым сэрцам».

 

Заклікаю вас, паважаныя пастыры, шаноўныя манахіні і дарагая моладзь, адгукнуцца на гэта запрашэнне Папы Францішка і прыняць удзел у ліпені 2016 года ў сустрэчы ў Кракаве.

 

Калі ласка, вельмі прашу душпастыраў заахвоціць моладзь і пасадзейнічаць ёй, каб магла знайсці неабходныя сродкі на ўдзел у гэтай сустрэчы. У адну з нядзель або на працягу некалькіх нядзель пасля ўзгаднення з парафіяльнымі душпастырамі дазваляю, каб моладзь ў парафіях нашай дыяцэзіі арганізавала збор фінансавых сродкаў на ўдзел у Сусветных днях моладзі ў Кракаве.

 

Калі ласка, прашу ўключыцца ў гэтую справу асабліва маладых людзей. Зрабіце ўласны ўклад у падрыхтоўку і паездку на Сусветныя дні моладзі ў Кракаве. Запрасіце вашых аднагодкаў да ўдзелу ў гэтым мерапрыемстве, падчас якога на сустрэчы з Папам збярэцца моладзь з усяго свету.

 

Спадзяюся, што многія з вас знойдуць магчымасць паехаць і прыняць удзел у ліпені ў Сусветных днях моладзі ў Кракаве.

 

На плённую падрыхтоўку ад усяго сэрца благаслаўляю