Фота Аўдыё Відэа  
be  ru  pl  en  de info@catholic.by
Віншаванні Апостальскага Нунцыя са святам Раства Хрыстова Беларускай Праваслаўнай Царкве
Іерархі
06.01.2015 16:42

Дарагія браты і сёстры Беларускай Праваслаўнай Царквы,

у той час, калі вы набліжаецеся да ўрачыстага святкавання Раства Хрыстова, прагну скіраваць да вас, ад імя Францішка - Папы Рымскага - віншавальныя словы, поўныя цеплыні, жадаючы, каб нараджэнне Госпада Ісуса Хрыста рассеяла цемру адчаю, варожасці і страху і ўзмацніла ўпэўненасць у тым, што Бог верны і Яго збаўленне назаўжды.

Я рады таму, што ў мінулым годзе ў вашай Царкве павялічылася колькасць епархій і епіскапаў таксама і ў Беларусі. Няма месца для зайздрасці і канкурэнцыі. Калі адна Царква развіваецца, расце ўсё Цела Хрыстова і абвяшчаецца Яго Евангелле. Хрыстос адзін і Евангелле адно. Радасць аднаго з членаў - гэта радасць усіх і ўсяго Цела Хрыстова.  

У дзень Раства Хрыстова малюся разам з вамі і за вас. Калі гісторыя нас падзяліла, то малітва павінна нас з’яднаць. Чаго вартае наша сведчанне, калі мы не здольныя нават маліцца разам? Хрыстос сказаў: “Дзе двое ці трое сабраліся ў імя Маё, там Я ёсць сярод іх” (Мц 18, 20). Ён не ставіў умоваў сваёй прысутнасці. Гэта мы ставім умовы. Калі мы молімся разам і Хрыстос ёсць сярод нас, як можам мы адчуваць падзел між намі? Ці ж Хрыстос будзе толькі з адным з братоў, якія моляцца, і не будзе з іншым? Мы можам сказаць: “Я - Паўла”, альбо “Я - Аполаса” (пар. 1Кар 3, 4). Апостал Павел моцна папракаў за падзелы, якія імкнуцца сягнуць самога Хрыста, у той час калі гэта грэх супраць Яго жадання “каб усе былі адно” (Ян 17, 21). Мы павінны нанова навучыцца крочыць разам.

Прашу, каб Бог дараваў сваё міласэрнае благаслаўленне ўсім вам: Мітрапаліту Паўлу, архіепіскапам, епіскапам, святарам, дыяканам, манахам і манахіням, сем’ям вернікаў, сем’ям, у якіх адзін з сужэнцаў праваслаўны, а другі католік (якія даюць нам прыклад таго, як любоў гоіць усе падзелы, таму што Бог - гэта любоў), дзецям і пажылым людзям, хворым і самотным.

Усёй Царкве жадаю ўзмацніцца ў веры, бо вернікі для гэтага і існуюць, і служыць беларускаму народу, любіць і шанаваць яго, як самабытную, адметную і каштоўную частку чалавецтва, збаўленага Богам.

 

Пры выкарыстанні матэрыялаў сайта спасылка на Catholic.By абавязкова.

Іерархі

08.12 19:28Мітрапаліт Кандрусевіч ва ўрачыстасць Беззаганнага Зачацця Найсвяцейшай Панны Марыі: «Найкарацейшы шлях да святасці — наследаваць Марыю»
02.12 21:27«Для Магілёўшчыны гэта сведчыць пра моцныя каталіцкія карані ў рэгіёне»: біскуп Аляксандр Яшэўскі SDB пра беатыфікацыю арц. Матулёніса
30.11 16:154 снежня ў Беларусі памоляцца за католікаў Польшчы. Распараджэнне ККББ
26.11 23:29Арцыбіскуп Тадэвуш Кандрусевіч правёў рэкалекцыі для святароў Кіева-Жытомірскай дыяцэзіі ва Украіне
25.11 11:51Пастырскае пасланне арцыбіскупа Тадэвуша Кандрусевіча на Адвэнт 2016
25.11 07:57Пастырскае пасланне біскупа Гродзенскага Аляксандра Кашкевіча на Адвэнт 2016 года
12.11 10:05Мітрапаліт Кандрусевіч прыняў удзел у адкрыцці нямецка-беларускай выстаўкі, прысвечанай «Трасцянцу»
09.11 11:31Зварот біскупа Пінскага Антонія Дзям'янкі з нагоды закрыцця Брамаў Міласэрнасці ў стацыйных касцёлах Пінскай дыяцэзіі
09.11 09:49Пастырскае пасланне арцыбіскупа Тадэвуша Кандрусевіча на завяршэнне Надзвычайнага Юбілейнага Года Божай Міласэрнасці
08.11 16:05Зварот біскупа Пінскага Антонія Дзям'янкі з нагоды падрыхтоўкі да 100-годдзя аб'яўленняў Маці Божай у Фаціме