Фота Аўдыё Відэа  
be  ru  pl  en  de info@catholic.by
Моладзь Гродзенскай дыяцэзіі прыняла ўдзел у турніры па футболе ў Варшаве
Беларусь - Гродзенская дыяцэзія
03.02.2017 10:54

XXVI Міжнародны турнір па футболе ў Варшаве быў арганізаваны польскім Каталіцкім спартыўным таварыствам. Сёлета ў турніры бралі ўдзел каманды з Польшчы, Беларусі, Літвы і Украіны ва ўзроставых групах з 2000 па 2007 год нараджэння.

Сярод мэтаў, якія ставяць перад сабой арганізатары турніру, — выхаванне дзяцей і моладзі праз заняткі спортам, інтэграцыя са сваёй парафіяй, уменне правільна паводзіць сябе на пляцоўцы, выхаванне культуры паводзінаў падчас гульні і на трыбунах, уменне планаваць вольны час у паўсядзённым жыцці.

Беларусь прадстаўлялі дзве каманды з Гродзенскай дыяцэзіі — Гродна 2001 і Гродна 2002.

У склад гэтых каманд уваходзілі гульцы з гродзенскіх парафій (Гродна-Аўгустоўкі, Гродна-Вішнявец, Гродна-Дзевятоўка, Гродна-катэдра) і парафіі ў Каробчыцах.

Апекуном беларускай групы выступіў кс. Артур Малафей, адказны па справах спорту ў Годзенскай дыяцэзіі. Трэнер каманды — Аляксандр Гусар (футбольны клуб «Слонім»).

Беларускія каманды распачыналі свой дзень з удзелу ў святой Імшы. Напачатку і на заканчэнне турніру таксама прайшла супольнай малітва.

У сваіх узроставых катэгорыях каманда Гродна 2001 заняла 2 месца (з дзевяці каманд), а каманда Гродна 2002 — 1 месца (з дзевяці каманд), атрымаўшы перамогу ва ўсіх васьмі матчах.

Лепшым гульцом турніру прызнаны Уладзіслаў Чэчко з каманды Гродна 2001.
Лепшы галкіпер — Вадзім Сляпец з каманды Гродна 2002.
Лепшым апекуном турніру прызналі кс. Артура Малафея.

Акрамя гэтага ў кожнай камандзе была намінацыя самы каштоўны гулец. У камандзе Гродна 2001 ім быў прызнаны Міраслаў Эльяшэвіч, у камандзе Гродна 2002 — Уладзіслаў Лышчык.

Беларускія каманды разам са сваімі апекунамі выказваюць удзячнасць сем’ям з парафіі Святога Патрыка ў Варшаве, якія прымалі на начлег футбалістаў.


Міраслаў Эльяшэвіч, (VGr)
Фота кс. Артура Малафея

Фотарэпартаж
 

Пры выкарыстанні матэрыялаў сайта спасылка на Catholic.By абавязкова.

Беларусь - Гродзенская дыяцэзія

24.05 11:26У Навагрудку прайшоў ІІ Фестываль сям’і
17.05 09:18Біскуп Кашкевіч асвяціў крыж і памятную дошку на месцы спаленага касцёла ў вёсцы Скрундзі
15.05 15:28Фэст у гонар Маці Божай з нагоды 100-годдзя фацімскіх аб’яўленняў прайшоў у Юрацішках
13.05 09:45Гродна: арганізатары Дыяцэзіяльнага дня дзіцяці чакаюць новых валанцёраў
10.05 13:48У Навагрудку выступіў аркестр і вакальны хор Міхаіла Фінберга
09.05 08:44У Капцёўцы прайшоў дыяцэзіяльны Дзень маці Гродзенскай дыяцэзіі
08.05 15:30Фотафакт: семінарыйны гурт AVE на Дыяцэзіяльных днях моладзі ў Навагрудку
08.05 11:59Дні моладзі ў Навагрудку: сабраліся, каб адчуць сябе адной сям’ёй
08.05 08:28Пастырскае пасланне біскупа Кашкевіча з нагоды распачацця перэгрынацыі фігуры Маці Божай Фацімскай у Гродзенскай дыяцэзіі
06.05 08:42Іўе: пажарныя сабраліся на малітву ў касцёле ў дзень свайго апекуна — св. Фларыяна