Фота Аўдыё Відэа  
be  ru  pl  en  de info@catholic.by
Рэкалекцыі для моладзі на тэму сям’і правялі сёстры назарэтанкі ў Навагрудку
Беларусь - Гродзенская дыяцэзія
09.01.2017 11:13

З 3 па 6 студзеня моладзь з розных парафій сабралася ў Навагрудку, каб, разважаючы над постацямі Езуса, Марыі і Юзафа, засяродзіцца над іх жыццём, беручы прыклад з іх штодзённага ўзрастання ў любові і святасці.

«Святая Сям’я. Мая сям’я» — на такую тэму сёстры назарэтанкі правялі рэкалекцыі для моладзі ў Навагрудку.

Разважанні, падрыхтаваныя кс. Міхалам Бубенам, раскрывалі сутнасць адносінаў у сям’і, дапамагалі зразумець свае памылкі і заахвочвалі да малітвы за бацькоў, родных, за будучых сужанцаў.

Для біблійных разважанняў сёстры назарэтанкі прапанавалі тэксты Святога Пісання, якія найбольш удала раскрываюць Божы план для кожнай сям’і, а таксама Божае Слова аб тым, якім павінен быць юнак і дзяўчына, каб стаць добрым мужам і жонкай, або проста добрым хрысціянінам.

Забавы, танцы і спевы з’ядналі моладзь, а супольныя адарацыі Найсвяцейшага Сакрамэнту наблізілі яе яшчэ больш да Хрыста. Смела можна сказаць: пакуль мы вучыліся, як клапаціцца пра сем’і і правільна рыхтавацца да сямейнага жыцця, мы самі стварылі адну вялікую сям’ю — малады беларускі Назарэт!

Наступныя рэкалекцыі ў Навагрудку пройдуць 28-31 сакавіка. Да ўдзелу ў іх запрашаюцца дзяўчаты 8-11 класаў.

с. Ганна Мацуль CSFN, фота с. Кляры Волчак CSFN

Фотарэпартаж
 

Пры выкарыстанні матэрыялаў сайта спасылка на Catholic.By абавязкова.

Беларусь - Гродзенская дыяцэзія

28.04 08:26Навучэнцы гродзенскай семінарыі наведалі дом-інтэрнат у Радуні
27.04 11:41Сёлетнія выпускнікі школ у Шчучыне здзейснілі пілігрымку ў Будслаў
26.04 09:31Збаўца, знойдзены на гарышчы, або духоўныя скарбы музея Януша Паруліса ў Гродне
25.04 17:53Падчас Велікоднага арганнага канцэрта ў Навагрудку ўшанавалі памяць спачылага кс. Леаніда Несцюка
24.04 14:13Семінарыйная супольнасць ў Гродне павіншавала з імянінамі найстарэйшага выкладчыка
24.04 11:13Кармэліт Генрых Валейка атрымаў прэзбітэрскае пасвячэнне
20.04 10:39Смаргонь: пры салезіянскай парафіі пройдзе фінальны тур «ІІ Бітвы мікрараёнаў»
19.04 08:49У новым выпуску «Падарожжаў дылетанта» — вёска Белагруда і яе касцёл
17.04 12:26Біскуп Аляксандр Кашкевіч у велікодную раніцу: уваскрасенне Езуса змяняе перспектывы чалавечага жыцця
14.04 12:36Імша Вячэры Пана ў гродзенскай катэдры: «Езус прагне заспакоіць голад сэрцаў»