28 лістапада біскуп Гродзенскі Аляксандр Кашкевіч сустрэўся ў Гродзенскай курыі з новапасвечанымі святарамі дыяцэзіі і ўручыў ім дэкрэты, якімі выслаў новапрэзбітэраў на першыя пляцоўкі, дзе яны будуць дапамагаць пробашчам.

На выкананне даверанай місіі гродзенскі ардынарый удзяліў маладым святарам пастырскае благаслаўленне.

Служэнне ў парафіях новапрэзбітэры пачнуць з першай нядзелі Адвэнту, 30 лістапада.

Прэзбітэрскае пасвячэнне атрымалі 8 лістапада ў гродзенскім катэдральным касцёле св. Францішка Ксаверыя:

— кс. Аляксандр Вараб’ёў (паходзіць з парафіі Св. Францішка Ксаверыя, Гродна), накіраваны вікарыем у парафію парафія Св. Яна Паўла ІІ, Смаргонь;

— кс. Дзмітрый Леўчык (паходзіць з парафіі Св. Міхала Арханёла, Навагрудак), накіраваны вікарыем у парафію Св. Вацлава, Ваўкавыск;

— кс. Павел Раманоўскі (паходзіць з парафіі Св. Міхала Арханёла, Смаргонь), накіраваны вікарыем у парафію Маці Божай Ружанцовай, Радунь;
 
— кс. Аляксандр Сямінскі (паходзіць з парафіі Беззаганнага Зачацця Найсвяцейшай Панны Марыі, Гродна (Паўднёвы), накіраваны вікарыем у парафію Св. Міхала Арханёла, Ашмяны;

— кс. Марэк Занеўскі (паходзіць з парафіі Найсвяцейшай Панны Марыі Вастрабрамскай Маці Міласэрнасці, Гродна), накіраваны вікарыем у парафію Адшукання Святога Крыжа (Пабернардынскі), Гродна.

(JM)