Catholic.by - У Ваўкавыску – калысцы свайго Хросту і Першай Камуніі — кс. Андрэй Калядка адправіў прыміцыйную Імшу

Гэта архіў старой версіі сайта. Новая версія знаходзіцца па адрасе catholic.by

У Ваўкавыску – калысцы свайго Хросту і Першай Камуніі — кс. Андрэй Калядка адправіў прыміцыйную Імшу

24.06.2014 11:39

22 чэрвеня ў парафіі св. Вацлава ў Ваўкавыску адбылася прыміцыйная Імша кс. Андрэя Калядкі. На ўрачыстую св. Імшу сабраліся шматлікія вернікі, каб падзякаваць Богу за дар святарства і падзяліць з ім радасць.

Для кс. Андрэя Імша была асабліва хвалюючай, таму што менавіта ў гэтай святыні яго ахрысцілі бацькі і тут новапрэзбітар ўпершыню прыняў сакрамэнт Эўхарыстыі. Ксёндз Андрэй скіраваў словы падзякі сваім бацькам, сястры, пробашчу парафіі, а таксама сваім калегам, сябрам за фармаванне ягонага паклікання. Новапрэзбітар падкрэсліў значэнне бацькоўскага прыкладу для духоўнага развіцця.Таксама на гэтым засяродзіў увагу святар з Беластоку, сябра новапрэзбітaра, які на прыкладзе айца св. Папы Яна Паўла II, падкрэсліў значнасць бацькоўскага прыкладу даверу Богу. Кожны падчас прамоўленых слоў мог пастарацца ўсвядоміць: вельмі важна не памыліцца ў абранні ўласнага паклікання.

Новапрэзбітaр працягне сваю працу ў Мінска-Магілёўскай дыяцэзіі.

Таксама пасля Св. Імшы адбылася святочная працэсія Боажага Цела па вуліцах горада, якую ўзначальваў ксёндз пробашч Антоній Філіпчык. Падчас працэсіі пайшоў дождж, які для многіх з вернікаў быў сімвалам асвячэння душы і зямлі на годнае хрысціянскае жыццё.

Яна Жадзейка

Фотарэпартаж

для друку

Пры выкарыстанні матэрыялаў сайта спасылка на Catholic.By абавязкова.

Беларусь - Гродзенская дыяцэзія

10.07 14:12	Рэпартаж з Дубка — самай лясной капліцы ў Беларусі
08.07 20:48	Урачыстасці Маці Божай прайшлі ў санктуарыі ў Тракелях
23.06 14:47	Завяршылася IX Парафіяда дзяцей і моладзі Гродзенскай дыяцэзіі
21.06 13:16	Дыяцэзіяльная Парафіяда ў Гродне прыняла рэкордную колькасць удзельнікаў (+фота)
20.06 16:16	Велапрабег для маленькіх парафіянаў прайшоў у Іўі
19.06 14:45	Перапынак у вучобе без спынення фармацыі: у гродзенскай семінарыі завяршыўся навучальны год
16.06 14:33	Тысячы католікаў прайшлі вуліцамі Гродна ў працэсіі Божага Цела
10.06 00:19	Адышоў у вечнасць бацька кс. Юрыя Ёдзіка
08.06 15:37	Memento mori. Ксяндза Яна Шуткевіча пахавалі на гарадскіх могілках у Гродне (+фотарэпартаж)
06.06 13:13	Згарэў касцёл у Клюшчанах — месца служэння Казіміра Сваяка (абноўлена)