Пажар у славутай парыжскай святыні Нотр-Дам — катэдры Маці Божай, якая з’яўляецца адным з сімвалаў сталіцы Францыі — стаў вялікім выпрабаваннем для вернікаў краіны і ўсяго свету.
Моцны пажар пачаўся ў Вялікі панядзелак увечары 15 красавіка ў верхняй частцы святыні і быў спынены толькі праз некалькі гадзін.
Група людзей на вуліцах Парыжа, гледзячы на ахопленую полымем катэдру Маці Божай, пачала спантанна маліцца Ружанец.
Пра гэта піша карыстальнік сацыяльнай сеткі Твітар Ignacio Gil.
Todavía queda sensus fidei en el pueblo francés que sabe que es lo mejor que está en sus manos para ayudar
— Anotaciones (@AnotacionesRenL) 15 апреля 2019 г.
"Silencio. Lágrimas. Pero, sobre todo, emoción contenida. Y una 'Ave María' cantada por jóvenes, rodilla en tierra".
video de @Inaki_Gil, corresponsal de El Mundo en París. pic.twitter.com/Prs202b5hS
Арцыбіскуп Руанскі Дамінік Лебрэн на знак салідарнасці з католікамі сталіцы даў загад у 21.00 па мясцовым часе біць у званы катэдры ў Руане.
Як са спасылкай на парыжскіх пажарных паведамляе партал Deon.pl, пажар у катэдры Нотр-Дам, магчыма, быў звязаны з рэстаўрацыйнымі працамі на шпілі, які меў вышыню каля 100 метраў і разам з дахам быў цалкам знішчаны агнём.
На фота, якія публікуюць інфармацыйныя агенцтвы ўсяго свету, відаць жудасныя наступствы пажару ў галоўнай катэдры Парыжа.
Няхай гэтае вялікае выпрабаванне, з якога для вернікаў Францыі распачаўся Вялікі тыдзень, стане штуршком да ўваскрасення веры і рэлігійнага жыцця ў краіне, якую калісьці называлі «Старэйшай дачкой Касцёла», а таксама ва ўсёй Еўропе, ахопленай полымем разбуральнай секулярнай ідэалогіі.
