Як паведамілі 27 красавіка ў амерыканскім Цэнтры сям’і і правоў чалавека, т.зв. «права» на перарыванне цяжарнасці не ўваходзяць у паняцце правоў чалавека.
З такой заявай выступіў прадстаўнік знешнепалітычнага ведамства ЗША Майкл Козак падчас прэзентацыі гадавога амерыканскага дакладу па правах чалавека ў свеце.
Такім чынам, т. зв. «рэпрадукцыйныя правы» — тэрмін, уведзены ў амерыканскі афіцыйны ўжытак пры адміністрацыі папярэдняга прэзідэнта ЗША Барака Абамы, — цяпер знік з афіцыйнага лексікону з Злучаных Штатах.
«Мы вярнуліся да першапачатковай афіцыйнай лексікі», — сказаў дыпламат, які на пачатку 2000-х гадоў быў амбасадарам ЗША ў Беларусі.
Прыхільнікі і прапагандысты абортаў раскрытыкавалі падобныя дзеянні адміністрацыі прэзідэнта-рэспубліканца Дональда Трампа, які паслядоўна адстойвае права на жыццё ненароджаных.
Раней ЗША, дзякуючы перамозе Трампа ў лістападзе 2016 года, адмовіліся ад фінансавання міжнародных арганізацый, якія, называючыся «дабрачыннымі», займаліся ў тым ліку і прапагандай абортаў.
