Касцёл святога Стэфана ў Кракаве. Фота: Wikimedia commons
З 15 кастрычніка ў Кракаве (Польшча) аднаўляюцца рэгулярныя набажэнствы на беларускай мове.
Перапынак у іх правядзенні ў горадзе, дзе пражывае немалая колькасць беларусаў каталіцкага веравызнання, быў звязаны з адсутнасцю святара, які мог бы маліцца па-беларуску.
Ксёндз Ежы Вільк, які на працягу года служыў супольнасці, па распараджэнні свайго ардынарыя змяніў месца служэння. Новым душпастырам супольнасці прызначаны ксёндз Юрый Рашатко з Беларусі.
Першая Эўхарыстыя адбудзецца ўжо 15 кастрычніка.
Падчас яе будуць дзякаваць за магчымасць зноў збірацца на малітву на роднай мове і прывітаюць новага душпастыра.
Святыя Імшы будуць цэлебравацца ў касцёле святога Стэфана штонядзелю ў 15.30.
Адрас: вул. Henryka Sienkiewicza 19.
