Прадстаўляем вашай увазе Апостальскі ліст Льва XIV «Вернасць, якая нараджае будучыню» ў перакладзе на беларускую мову, які быў апублікаваны 8 снежня 2025 года ў Ватыкане, з нагоды 60-й гадавіны саборавых Дэкрэтаў «Optatam totius» і «Presbyterorum ordinis».
Тэкст Апостальскага ліста па-беларуску ТУТ>>>
У сваім Апостальскім лісце Папа піша: «Кожнае пакліканне — дар ад Айца, які трэба верна берагчы ў дынаміцы няспыннага навяртання. Паслухмянасць свайму пакліканню будуецца кожны дзень праз слуханне Божага слова, цэлебрацыю сакрамэнтаў, асабліва Эўхарыстычнай Ахвяры, праз евангелізацыю, блізкасць да найменшых, святарскае братэрства — ва ўсім з апорай на малітву як найважнейшае месца сустрэчы з Панам. Кожны дзень святар быццам вяртаецца на бераг Галілейскага мора, дзе Езус спытаў Пятра: “Ці любіш ты Мяне?” (Ян 21, 15), каб аднавіць сваё “так”».
Секцыя па перакладзе літургічных тэкстаў
і афіцыйных дакументаў Касцёла
