Прэс-служба Святога Пасаду паведаміла, што ў Ватыкане пад кіраўніцтвам Святога Айца праходзіць пасяджэнне Рады кардыналаў.
Нарада пачалася 5 снежня 2022 года. Іншай інфармацыі ў лаканічным ватыканскім камюніке не прыводзіцца, адзначае Беларуская рэдакцыя парталу Vatican News.
Вядома, што заданнем органа, створанага 13 красавіка 2013 года, была распрацоўка і рэдагаванне Апостальскай канстытуцыі Prædicate Evangelium, якая была абвешчана 19 сакавіка 2022 года, а таксама падтрымка Святога Айца ў кіраванні Паўсюдным Касцёлам.
Членамі Рады з’яўляюцца кардыналы П’етро Паралін, Джузэпэ Бэртэла, Оскар Радрыгес Марадзьяга, Рэйнхард Маркс, Шон Патрык О’Мэлі, Освальд Грасіас, Фрыдалін Амбонга Бесунгу. Сакратар структуры — арцыбіскуп Марко Мэліна.
