Пошук

24.04.2018 16:02   Catholic.by
Фрагмент алтара касцёла ў Глыбокім. Фота Аляксандры Шчыглінскай

У экспазіцыю ўвойдуць як экспанаты з калекцый беларускіх музеяў, так і прадметы інтэр’ераў сучасных касцёлаў — жывапіс, графіка, скульптура, дэкаратыўна-прыкладное мастацтва.

Праект будзе рэалізаваны на базе Нацыянальнага гістарычнага музея і стане першым у сваім родзе зборам беларускага каталіцкага мастацтва розных часоў — ад эпохі Рэнесансу да нашых дзён.

фота Марыны Валасар

«Такога ў Беларусі яшчэ не было, — адзначае мастачка Надзея Бука, якая з’яўляецца куратарам выставы. — У экспазіцыю будзе ўключана 80 твораў мастацтва, якія дапамогуць прасачыць асноўныя старонкі Бібліі — ад стварэння чалавека да Унебаўшэсця Хрыста».

Як адзначае мастачка, працы вельмі шмат — трэба наведаць музеі і найбольш цікавыя святыні Беларусі, каб зрабіць адбор экспанатаў для выставы.

Каардынатарамі праекту з’яўляюцца мастацтвазнаўцы Сяргей Харэўскі, Віктар Марціновіч, Глеб Вотчык і прадстаўнік Касцёла кс. Юрый Санько.

Адкрыццё выстаўкі запланавана ў Нацыянальным гістарычным музеі Беларусі на лістапад 2018 года.

«Выстава стане адмысловай цаглінкай у справе новай евангелізацыі. Пры гэтым выстаўка будзе цікавай для ўсіх узростаў. Калі наведваць яе з дзецьмі, то праз мастацтва яны пазнаёмяцца з Бібліяй», — зазначае Надзея Бука.

Абноўлена 24.04.2018 16:20
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.