![](/3/images/news/2023/04/2023-04-11-Vojska5.jpg)
Перад урачыстасцю Пасхі, якую сёлета ў Каталіцкім Касцёле адзначылі 9 красавіка, католікі, якія знаходзяцца ў войску, таксама мелі магчымасць належным чынам падрыхтавацца і адзначыць набольшае свята ўсіх хрысціянаў.
Як паведамляецца ў рэпартажах Вайсковага інфармацыйнага агенцтва «Ваяр», з гэтай мэтай у шэраг вайсковых частак былі запрошаныя святары.
Духоўныя асобы сустракаліся з тымі, хто праходзіць службу, настаўлялі іх, а таксама супольна маліліся і благаслаўлялі традыцыйныя велікодныя стравы.
Удзел у такіх сустрэчах ўзялі ваеннабавязаныя, прызваныя з запасу, вайскоўцы тэрміновай службы, афіцэры і прапаршчыкі.
![](/3/images/news/2023/04/2023-04-11-Vojska77.jpg)
Адну з частак з душпастырскім візітам наведаў ксёндз канонік Павел Шанчук, пробашч парафіі святых апосталаў Пятра і Паўла ў Гожы і дэкан дэканату Гродна-Усход.
Святар паспавядаў і ўдзяліў Камунію вернікам, а таксама распавёў удзельнікам сустрэчы пра духоўнае значэнне Пасхальных урачыстасцяў і павіншаваў асабовы склад з Вялікаднем, благаславіўшы пасхальныя стравы. На памяць ксёндз дэкан падараваў вайскоўцам абразкі з выяваю святога Фларыяна, мучаніка, які лічыцца асаблівым апекуном ваяроў і пажарных.
«Мяне як святара абнадзеілі адносіны некаторых вайскоўцаў, якія прызнаваліся, што моцна перажывалі з-за немагчымасці захоўваць пост у Вялікую пятніцу. Затое ўсе ахвотныя мелі магчымасць узяць удзел у Рэзурэкцыйнай святой Імшы», — падзяліўся ксёндз Павел Шанчук.
![](/3/images/news/2023/04/2023-04-11-Vojska22.jpg)
«У гэты дзень я разам са сваімі роднымі ўдзельнічаю ў Імшы ў касцёле, святкую Вялікдзень, — распавёў карэспандэнту «Ваяра» падпалкоўніку Аляксандру Сявенку прызваны з запасу шараговец Аляксандр Сямашка, жыхар вёскі Раготна Дзятлаўскага раёна Гродзенскай вобласці. —
Хачу падзякаваць святару і камандаванню за дадзеную магчымасць сустрэць светлае свята Пасхі. Віншую маіх родных, таварышаў па службе і ўсіх католікаў Беларусі з Уваскрасеннем Хрыстовым».
![](/3/images/previews/news/2023/04/s-2023-04-11-Vojska3.jpg)
![](/3/images/previews/news/2023/04/s-2023-04-11-Vojska2.jpg)
![](/3/images/previews/news/2023/04/s-2023-04-11-Vojska4.jpg)
![](/3/images/previews/news/2023/04/s-2023-04-11-Vojska1.jpg)
![](/3/images/previews/news/2023/04/s-2023-04-11-Vojska6.jpg)
![](/3/images/previews/news/2023/04/s-2023-04-11-Vojska5.jpg)
![](/3/images/previews/news/2023/04/s-2023-04-11-Vojska7.jpg)
![](/3/images/previews/news/2023/04/s-2023-04-11-Vojska8.jpg)
![Фота падпалкоўнік Аляксандр Сявенка / «Ваяр»](/3/images/news/2023/04/2023-04-11-Vojska3.jpg)
![Фота падпалкоўнік Аляксандр Сявенка / «Ваяр»](/3/images/news/2023/04/2023-04-11-Vojska2.jpg)
![Фота падпалкоўнік Аляксандр Сявенка / «Ваяр»](/3/images/news/2023/04/2023-04-11-Vojska4.jpg)
![Фота падпалкоўнік Аляксандр Сявенка / «Ваяр»](/3/images/news/2023/04/2023-04-11-Vojska1.jpg)
![Фота маёр Сяргей Дзямінскі / «Ваяр»](/3/images/news/2023/04/2023-04-11-Vojska6.jpg)
![Фота маёр Сяргей Дзямінскі / «Ваяр»](/3/images/news/2023/04/2023-04-11-Vojska5.jpg)
![Фота: «Ваяр»](/3/images/news/2023/04/2023-04-11-Vojska7.jpg)
![Фота: «Ваяр»](/3/images/news/2023/04/2023-04-11-Vojska8.jpg)
![](https://catholic.by/3/templates/catholic/img/left.png)
![](https://catholic.by/3/templates/catholic/img/right.png)
![](https://catholic.by/3/templates/catholic/img/close.png)
![](https://catholic.by/3/templates/catholic/img/close.png)