Пошук

30.06.2022 13:33   Catholic.by

1 ліпеня падчас аднадзённай сямейнай пілігрымкі ў Нацыянальны санктуарый Маці Божай Будслаўскай адбудзецца прэзентацыя хрысціянскай настольнай гульні «Рыцары Беззаганнай».

Натхненнем для стварэння гульні стаў урывак з кнігі ксяндза Аляксандра Жарнасека МІС «Духоўная зброя». Галоўная мэта гульні — як мага хутчэй сабраць усе сем рыцарскіх атрыбутаў зброі Божай і прынесці іх на фініш гульні.

Ілюстратар Кацярына Фільмановіч выбрала для гульні стыль вімельбуха. На карце можна знайсці розныя сюжэты Будслаўскага фэсту.

Набыць гульню ў Будславе можна будзе ў намёце «Радыё Марыя». Усе сродкі, якія атрымаецца сабраць, будуць перададзены на аднаўленне святыні, пашкоджанай пажарам.

Пілігрымка, арганізаваная рухам сужэнскай духоўнасці Equipes Notre-Dame, аб’ядноўвае цэлыя сем’і. Пілігрымы выходзяць 1 ліпеня з вёскі Пузыры Мядзельскага раёна, што прыблізна ў пятнаццаці кіламетрах ад Будслава.

Па дарозе ўдзельнікі пілігрымкі таксама будуць разважаць над тэмай «Сем атрыбутаў зброі Божай», а самыя малодшыя удзельнікі змогуць нават паспрабаваць яе здабыць падчас забаўляльнай праграмы у вёсцы Вераб’і.

Актуальную інфармацыю пра пілігрымку можна знайсці на сайце рухy Equipes Notre-Dame.

Тэлефоны для даведак:

Абноўлена 30.06.2022 13:34
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа