![](/3/images/news/2019/08/2019-08-23-raskopki_manastyr_10.jpg)
З 1 па 15 жніўня на востраве Манастыр, што на возеры Неспіш каля Браслава, праводзіліся археалагічныя раскопкі. Менавіта тут на працягу некалькіх стагоддзяў існаваў базыліянскі кляштар, у якім знаходзілася цудатворная ікона Маці Божай Браслаўскай, вядомая цяпер пад тытулам Валадаркі азёраў.
10 гадоў таму цудадзейны абраз быў каранаваны папскімі каронамі, і гэтую гадавіну асаблівым чынам адсвяткавалі падчас сёлетняга фэсту ў гонар Валадаркі азёраў.
Хоць сёння шанавальнікі Марыі ў Яе цудадзейнай браслаўскай святыні прыязджаюць сюды з усёй Беларусі і нават з-за мяжы, тым не менш з’яўленне іконы і яе ранняя гісторыя застаюцца малавывучанымі. Святло на гэты перыяд павінны праліць раскопкі на востраве, дзе распачынаўся культ Маці Божай Браслаўскай.
Невыпадкова перад пачаткам раскопак іх удзельнікаў благаславіў пастыр Віцебскай дыяцэзіі і ўраджэнец Браслава біскуп Алег Буткевіч.
![](/3/images/news/2019/08/2019-08-23-raskopki_manastyr_9.jpg)
Каб даведацца пра тое, што ж нарэшце знайшлі на месцы старадаўняга кляштара археолагі, на таямнічым востраве пабывала верніца браслаўскай парафіі і фотакарэспандэнт парафіяльнага сайта Waladarka.by Ірына Гайдамовіч.
«Мне было цікава паглядзець на тое, як адбываюцца раскопкі, — дзеліцца ўражаннямі Ірына. — Я мела магчымасць дакрануцца да гісторыі ў прамым сэнсе слова.
У дзень майго прабывання там знайшлі дзве манеты, а дайверы дасталі з вады драўляныя палі былога мосту; частку я нават трымала ў сваіх руках!На раскопках працавалі вельмі прыемныя людзі, самаадданыя: нягледзячы на стомленасць, з раніцы да вечара яны карпатліва адкопвалі падмуркі, прасейвалі кожны грам зямлі, каб адшукаць штосьці цікавае і важнае. Канечне, хочацца ўявіць, як там было калісьці насамрэч, як выглядаў манастыр, як там жылі манахі».
![](/3/images/previews/news/2019/08/s-2019-08-23-raskopki_manastyr_14.jpg)
![](/3/images/previews/news/2019/08/s-2019-08-23-raskopki_manastyr_15.jpg)
![](/3/images/previews/news/2019/08/s-2019-08-23-raskopki_manastyr_10.jpg)
![](/3/images/previews/news/2019/08/s-2019-08-23-raskopki_manastyr_9.jpg)
![](/3/images/previews/news/2019/08/s-2019-08-23-raskopki_manastyr_6.jpg)
![](/3/images/previews/news/2019/08/s-2019-08-23-raskopki_manastyr_13.jpg)
![](/3/images/news/2019/08/2019-08-23-raskopki_manastyr_14.jpg)
![](/3/images/news/2019/08/2019-08-23-raskopki_manastyr_15.jpg)
![](/3/images/news/2019/08/2019-08-23-raskopki_manastyr_10.jpg)
![](/3/images/news/2019/08/2019-08-23-raskopki_manastyr_9.jpg)
![](/3/images/news/2019/08/2019-08-23-raskopki_manastyr_6.jpg)
![](/3/images/news/2019/08/2019-08-23-raskopki_manastyr_13.jpg)
За два тыдні раскопак была знойдзена частка падмуркаў манастырскіх пабудоваў. Археолаг Мікалай Плавінскі мяркуе, што знойдзены фрагмент датуецца канцом XVIII – пачаткам XIX стагоддзя.
Незадоўга да канца раскопак археолагі натыкнуліся на чалавечыя парэшткі, якія закансервавалі (пакінулі ў зямлі) да наступнага года, каб іх можна было вывучыць. Знойдзены таксама кераміка, шкло і манеты: адна з іх 1547 г.
![](/3/images/previews/news/2019/08/s-2019-08-23-raskopki_manastyr_11.jpg)
![](/3/images/previews/news/2019/08/s-2019-08-23-raskopki_manastyr_12.jpg)
![](/3/images/previews/news/2019/08/s-2019-08-23-raskopki_manastyr_5.jpg)
![](/3/images/previews/news/2019/08/s-2019-08-23-raskopki_manastyr_7.jpg)
![](/3/images/previews/news/2019/08/s-2019-08-23-raskopki_manastyr_16.jpg)
![](/3/images/previews/news/2019/08/s-2019-08-23-raskopki_manastyr_17.jpg)
![](/3/images/previews/news/2019/08/s-2019-08-23-raskopki_manastyr_20.jpg)
![](/3/images/news/2019/08/2019-08-23-raskopki_manastyr_11.jpg)
![](/3/images/news/2019/08/2019-08-23-raskopki_manastyr_12.jpg)
![](/3/images/news/2019/08/2019-08-23-raskopki_manastyr_5.jpg)
![](/3/images/news/2019/08/2019-08-23-raskopki_manastyr_7.jpg)
![](/3/images/news/2019/08/2019-08-23-raskopki_manastyr_16.jpg)
![](/3/images/news/2019/08/2019-08-23-raskopki_manastyr_17.jpg)
![](/3/images/news/2019/08/2019-08-23-raskopki_manastyr_20.jpg)
Між тым акваторыю возера вакол вострава даследавалі дайверы, якія знайшлі 24 палі мосту, які калісьці вёў з берага на востраў. Дайверы вызначылі, што даўжыня мосту складала каля 100 метраў, а шырыня — 2 метры.
Узор палі скіравалі ў Акадэмію навук для вызначэння ўзросту. Мяркуецца, што яму каля 500 гадоў.
Раскопкі былі арганізаваныя Цэнтрам рэгіянальнага развіцця «Браслаў» у межах праекту «Выспа Манастыр (Кляштар)». У планах кіраўнікоў гэтай некамерцыйнай арганізацыі — аднаўленне кляштара з усімі пабудовамі і мостам.
![](/3/images/previews/news/2019/08/s-2019-08-23-raskopki_manastyr_2.jpg)
![](/3/images/previews/news/2019/08/s-2019-08-23-raskopki_manastyr_3.jpg)
![](/3/images/previews/news/2019/08/s-2019-08-23-raskopki_manastyr_1.jpg)
![](/3/images/previews/news/2019/08/s-2019-08-23-raskopki_manastyr_19.jpg)
![](/3/images/previews/news/2019/08/s-2019-08-23-raskopki_manastyr_4.jpg)
![](/3/images/previews/news/2019/08/s-2019-08-23-raskopki_manastyr_8.jpg)
![](/3/images/news/2019/08/2019-08-23-raskopki_manastyr_2.jpg)
![](/3/images/news/2019/08/2019-08-23-raskopki_manastyr_3.jpg)
![](/3/images/news/2019/08/2019-08-23-raskopki_manastyr_1.jpg)
![](/3/images/news/2019/08/2019-08-23-raskopki_manastyr_19.jpg)
![](/3/images/news/2019/08/2019-08-23-raskopki_manastyr_4.jpg)
![](/3/images/news/2019/08/2019-08-23-raskopki_manastyr_8.jpg)
«Сваёй мэтай мы ставілі пачатак прац па выяўленні падмуркаў манастыра і ўсіх пабудоваў, — адзначыла Алена Шэўчык, кіраўнік праектаў Цэнтра рэгіянальнага развіцця „Браслаў“. — Мы ўжо адкапалі частку падмуркаў, а геарадары паказалі, што там ёсць яшчэ пустоты, а значыць ёсць сутарэнні, падземныя памяшканні.
Для нас гэта азначае, што неабходна працягнуць раскопкі ў наступным годзе. Калі мы будзем ведаць дакладныя памеры пабудоваў, то зможам зрабіць макет кляштара і распрацаваць праект яго аднаўлення. У архівах ёсць апісанне манастыра, але памеры яго пакуль невядомыя.
Знаходкі разнастайных манет і ўпрыгожванняў пацвярджаюць той факт, што ў манастыр прыбывалі пілігрымы з розных краін.
Знойдзеныя чалавечыя парэшткі, з вялікай верагоднасцю, адносяцца да пахаванняў браслаўскіх архімандрытаў. Прынамсі іншыя месцы іх пахаванняў невядомыя. Аднак пра гэта можна будзе даведацца, толькі працягнуўшы археалагічныя працы».
![](/3/images/news/2019/08/2019-08-23-raskopki_manastyr_18.jpg)
Ракопкі пакуль толькі крыху прыадкрылі таямніцы жыцця на востраве і перадусім паказалі неабходнасць далейшых даследаванняў.
У бліжэйшых планах кіраўніка праекту — стварэнне інфармацыйных стэндаў, навядзенне парадку на востраве, арганізацыя экскурсій.
Праект некамерцыйны, і займаюцца ім энтузіясты. Далучыцца да іх і падтрымаць можа кожны, каго цікавіць гісторыя і духоўнае жыццё роднай зямлі.
![](https://catholic.by/3/templates/catholic/img/left.png)
![](https://catholic.by/3/templates/catholic/img/right.png)
![](https://catholic.by/3/templates/catholic/img/close.png)
![](https://catholic.by/3/templates/catholic/img/close.png)