«Сужэнскія сустрэчы» сардэчна запрашаюць пары, якія сустракаюцца, кахаюць, шукаюць, плануюць, на «Вечары для закаханых», якія распачнуцца з 3 красавіка ў мінскім архікатэдральным касцёле Найсвяцейшага Імя Марыі.
Знайдзіце гэты час адно для аднаго і для вашай унікальнай сустрэчы!
Незвычайны цыкл вечароў дапаможа не толькі нанава адкрыць сваё каханне, глыбей пазнаць адно аднаго, але і глыбей асэнсаваць падмурак, на якім сёння будуюцца вашы адносіны.
Ці гатовыя вы стварыць моцную трывалую сям’ю? Ці сапраўды гатовыя клапаціцца пра свае адносіны, і ў радасцях, і ў цяжкасцях весці шчыры дыялог?
Цыкл «Вечароў» — 9 сустрэч, якія адбываюцца па серадах. Тут будзе і рамантыка, і пачуцці, і новыя адкрыцці, але і сапраўдная праца па будаванні ўзаемаразумення і даверу, шчырасці і больш сталых адносін.
Тэлефоны для запісу:
+375 29 140 84 56 — Іван
+375 29 782 14 66 — Алена
Месца і час першай сустрэчы: 3 красавіка ў 19.00 у архікатэдры Найсвяцейшага Імя Марыі (г. Мінск, пл. Свабоды, 9).
Каго запрашаюць: закаханыя пары любога ўзросту, незалежна ад рэлігійнай актыўнасці і канфесійнай прыналежнасці. А значыць — усіх закаханых!
