З 13 па 18 жніўня ў санктуарыі Маці Божай Валадаркі Азёраў у Браславе адбудзецца летняя школа касцёльнага спеву.
Калектыў выкладчыкаў узначальвае дацэнт кафедры аргана Беларускай дзяржаўнай акадэміі музыкі Уладзімір Неўдах, галоўны арганіст мінскага архікатэдральнага касцёла Найсвяцейшага Імя Марыі.
У праграме заняткаў:
- Пастаноўка голасу для харыстаў і кантараў;
- Супольны харавы спеў;
- Тэорыя і практыка касцёльнага спеву;
- Гісторыя касцёльнай музыкі (факультатыў).
Прыняць удзел запрашаюцца парафіяльныя хоры, вакальныя гурты і ўсе, каму падабаецца касцёльны спеў і музыка. (Музычная адукацыя не абавязковая, узрост не абмежаваны). Музыкантаў просім мець свае музычныя інструменты.
Рэгістрацыя ўдзельнікаў распачнецца 13 жніўня з 15.00 у будынку насупраць касцёла. Пачатак заняткаў а 17-й гадзіне.
Удзельнікі атрымаюць неабходны нотны матэрыял. Арганізатары забяспечваюць начлег і харчаванне. Даезд за кошт удзельніка.
Кульмінацыя школы касцёльнага спеву — спеў падчас галоўнай св. Імшы ва ўрачыстасць Маці Божай Валадаркі Азёраў, 18 жніўня.
Пра свой удзел неабходна паведаміць да 10 жніўня.
Анкета ўдзельніка ТУТ>>>
Для даведак:
тэл./факс: +375 2153 652 36;
+375 (29) 710 50 37 — кс. Станіслаў Мжыглуд SDS, пробашч
+375 (29) 715 73 42 — арганістка Іна Сапун, e-mail: agniinna@mail.ru
