20–22 верасня беларуская каталіцкая супольнасць Варшавы (Польшча) ладзіць «Спеўны ўікенд», на які запрашае ўсіх, хто хоча спяваць.
Арганізатары адзначаюць, што гэта мерапрыемства ў новым для супольнасці фармаце.
Беларусы, якія жывуць у Польшчы і засумавалі па «Музычнай майстэрні» ў Івянцы, выйшлі з прапановай арганізаваць музычныя варштаты ў Варшаве.
Удзельнікаў падзеляць на групы па галасах, з кожнай групай будуць асобна вучыцца ўсе творы. Пасля яны загучаць усе разам у цудоўным сугуччы!
Сустрэча будзе праходзіць пры парафіі святой Фаўстыны на варшаўскім Брудне. Для ўдзельнікаў будзе арганізаваны начлег і пасілкі.
- Запіс абавязковы праз гугл-форму ТУТ>>>
- Падрабязная інфармацыя на сайце супольнасці ТУТ>>>
