4 лістапада Папа Францішак прыняў адстаўку кардынала Казіміра Ныча з пасады арцыбіскупа Варшаўскага і прызначыў яго наступніка.
Як адзначае Беларуская рэдакцыя Vatican News, змена пастыра адбылася ў Варшаўскай архідыяцэзіі, адной з найбуйнейшых у Польшчы. Новым арцыбіскупам Варшаўскім стаў Адрыян Юзаф Гальбас SAC, які да гэтага кіраваў Катавіцкай архідыяцэзіяй. 56-гадовы іерарх належыць да Таварыства Каталіцкага Апостальства (палатынаў) і мае шырокі досвед душпастырскай працы.
На пасадзе Мітрапаліта Варшаўскага арцыбіскуп Гальбас зменіць кардынала Казіміра Ныча, якому ў лютым наступнага года споўніцца 75 гадоў.
Ён кіраваў Варшаўскай архідыяцэзіяй з 2007 года.
У сталіцы Польшчы з увагі на вялікую колькасць вернікаў з 1992 года існуюць дзве рыма-каталіцкія дыяцэзіі: Варшаўская архідыяцэзія і Варшаўска-Пражскаая дыяцэзія, у якую ўваходзіць частка горада на ўсход ад ракі Віслы.
