У нядзелю 27 кастрычніка біскуп-эмэрыт Казімір Велікаселец наведаў супольнасць беларусаў-католікаў у Варшаве (Польшча).
Заслужаны іерарх сустрэўся з суайчыннікамі ў парафіі святой Фаўстыны ў Варшаве (Варшаўска-Пражская дыяцэзія). Пры парафіі ад пачатку года на малітву збіраюцца беларусы каталіцкага веравызнання на чале са сваім душпастырам ксяндзом Яўгенам Вінтовым.
Біскуп Велікаселец наведаў супольнасць і звярнуўся да прысутных з кароткім словам.
Між іншым, іерарх распавёў гісторыю свайго паклікання і заклікаў заўсёды трымацца алтара.
На заканчэнне біскуп Казімір Велікаселец удзяліў усім сабраным сваё пастырскае благаслаўленне і перадаў прывітанні з Беларусі.
