З 15 па 20 жніўня пры парафіі Нараджэння Маці Божай у Браславе будзе праводзіцца летняя школу касцёльнага спеву.
Курс літургічнай музыкі прызначаны для людзей, якія жадаюць выконваць музычнае служэнне падчас святой Імшы. Курс будзе ўключаць заняткі з тлумачэннем сэнсу літургіі ў цэлым, парадку і значэння паасобных частак святой Імшы, прынцыпаў правільнага падбору рэпертуару для літургіі.
Арганізатары запрашаюць узяць удзел у тыдні касцёльнай музыкі ўсіх, хто жадае праслаўляць Бога згодна з заклікам святога Аўгустына: «Спявай голасам, спявай сэрцам, спявай вуснамі, спявай жыццём».
Музычная адукацыя не абавязкова, узрост не абмежаваны.
Мастацкі кіраўнік праекту дацэнт Беларускай акадэміі музыкі, галоўны арганіст архікатэдральнага касцёла Найсвяцейшага Імя Марыі ў Мінску Уладзімір Неўдах.
У праграме школы:
- Пастаноўка голасу для харыстаў і кантараў
- Супольны харавы спеў
- Тэорыя і практыка касцёльнага спеву
- Арганнае суправаджэнне
Умовы ўдзелу
- Удзельнікі атрымаюць неабходны нотны матэрыял.
- Арганізатары забяспечваюць начлегі і харчаванне.
- Унёсак удзельніка 50 рублёў.
- Настаўнікі школы касцёльнага спеву:
- літургіка — ксёндз Юрый Жаўняровіч
- арган — Нэлі Баравік
- вакал — Вольга Янум
Запіс
Па пытаннях удзелу і запісу звяртацца не пазней за 6 жніўня да Іны Сапун
- тэл.: +375 (29) 715 73 42
- e-mail: agniinna@mail.ru
Рэгістрацыя ўдзельнікаў 15 жніўня ад 15-й гадзіны (будынак насупраць касцёла). Пачатак заняткаў а 17-й гадзіне.
