Пошук


16.10.2019 08:37   Catholic.by
Касцёл у Беразінскім. Фота: nslowa.by

У суботу 26 кастрычніка пры касцёле Божага Цела ў аг. Беразінскае (Маладзечанскі дэканат) пры ўдзеле літаратараў і паэтаў, мастакоў і музыкантаў адбудзецца адкрыццё мемарыяльнай дошкі ў гонар хрысціянскай пісьменніцы і мецэнаткі графіні Габрыэлі Пузыні, якая жыла ў маёнтку Гарадзілава на тэрыторыі цяперашняй беразінскай парафіі.

Габрыэля Пузыня, у дзявоцтве Гюнтэр, нарадзілася ў 1815 годзе ў Вільні.

Да шлюбу жыла ў бацькавым маёнтку ў Дабраўлянах, а стаўшы ў 1851 годзе жонкаю князя Тадэвуша Пузыні пасялілася ў Гарадзілаве, дзе бывалі шматлікія прадастаўнікі тагачаснай культурнай эліты нашага краю — духоўныя і свецкія асобы, пісьменнікі, музыканты, мастакі, акторы і навукоўцы, з якімі Габрыэлю Пузыню звязвала творчае і чалавечае сяброўства.

У Гарадзілаве 16 жніўня 1869 года завяршыўся зямны шлях гэтай беларускай польскамоўнай пісьменніцы.

Творчая вечарына памяці Габрыэлі Пузыні распачнецца а 12-й гадзіне святою Імшою аб вечным супакоі для яе душы і арганным канцэртам.

Пасля кава-паўзы адбудзецца знаёмства з творчасцю пісьменніцы і літаратурна-музычны канцэрт.

Пробашч парафіі Божага Цела ў аг. Беразінскае ксёндз канонік Сяргей Бараўнёў ад імя ўсіх вернікаў сардэчна запрашае ўсіх жадаючых узяць удзел у памятным мерапрыемстве, якое адбудзецца па адрасе:

вул. Леніна, 3, аг. Беразінскае, Маладзечанскі р-н.

Абноўлена 16.10.2019 14:00
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця