Пошук


Актуальна

Пятніца, 19 красавіка 2013
Урачыстасць Маці Божай Будслаўскай 2013
19.04.2013 11:49
Сёлета адзначаецца 400-годдзе з’яўлення цудатворнага абраза Маці Божай у Будславе. Юбілею папярэднічала трохгадовая духоўная падрыхтоўка, у якой прыняла ўдзел уся каталіцкая супольнасць Беларусі.
Аўторак, 16 красавіка 2013
«100 пытанняў — 100 адказаў». Чаму была кананізавана Жанна Д’Арк?
17.04.2013 00:00
Адной з самых вядомых у свеце каталіцкіх святых з’яўляецца французская дзяўчына, якая жыла ў эпоху позняга сярэднявечча і прыклала вялікія намаганні для вызвалення сваёй айчыны ад замежных захопнікаў. Гаворка ідзе пра Жанну Д’Арк. Многімі, аднак, ставіцца пад сумненне дарэчнасць яе кананізацыі: маўляў, як Касцёл мог абвясціць святым чалавека, які кіраваў войскам і заклікаў змагацца супраць іншых людзей? А як жа запаведзь «не забівай»?
Панядзелак, 15 красавіка 2013
Мітрапаліт Кандрусевіч: малю Бога, каб візіт кардынала Тарана наблізіў прыбыццё Папы ў нашу краіну
15.04.2013 14:14
У трэці раз Беларусь будзе вітаць пасланніка Святога Айца. На гэты раз ім стане старшыня Папскай рады па міжрэлігійным дыялогу кардынал Жан-Луі Таран. Нагодай візіту папскага легата з'яўляецца 400-годдзе прыбыцця цудатворнага абраза Маці Божай у Будслаў, якое будзе адзначацца 5–6 ліпеня.
Нядзеля, 14 красавіка 2013
Тэма беспамылковага навучання бiскупа Рыма ў экуменiчным дыялогу (частка I)
15.04.2013 00:00
Калi размаўляем з прадстаўнiкамi iншых канфесiй аб веравучэннi, гэтая тэма можа з’явiцца на самым пачатку размовы. Але каб добра адказаць, патрэбна пэўная база ведаў. Усе папярэднiя артыкулы рубрыкi, можна так сказаць, падрыхтоўвалі да сëнняшняй тэмы.
Аўторак, 9 красавіка 2013
Белая нядзеля — радасць і сум
09.04.2013 17:26
Свята Божай Міласэрнасці. Нядзеля пасля Уваскрасення Езуса. Шмат прыгожых правільных слоў. Парадаксальна мала непасрэднай радасці ад дасведчанай міласэрнасці. Але і суму не вельмі. Так, мы разлічвалі на іншы свет і адкрыта Богу аб гэтым гаворым. За дзяцей страшна, за праўду крыўдна, самі параненыя...
Серада, 3 красавіка 2013
«100 пытанняў — 100 адказаў». Які Папа прадказаў з’яўленне электронных планшэтаў?
03.04.2013 10:15
Простыя і зразумелыя жэсты папы Францішка вельмі нагадалі пра аднаго яго папярэдніка на Пасадзе св. Пятра. Ён таксама меў простае паходжанне. Вёў сціплы лад жыцця. Славіўся асабістай святасцю, карыстаўся вялікай павагай і любоўю людзей.
Аўторак, 2 красавіка 2013
Хрыстус учора, цяпер і заўсёды
02.04.2013 11:29
Напэўна, большасць з вернікаў каталіцкага веравызнання заўважыла, што ў час Адвэнту (трэцяя нядзеля) і Вялікага посту (чацвёртая) святар, які цэлебруе св. Імшу, апранае арнат ружовага колеру. У Адвэнце гэтая нядзеля называецца gaudere (лац. радавацца), а ў Вялікім посце laetare (асвятляць, прасвятляць). І гэта не проста так.
Чацвер, 28 сакавіка 2013
Барацьба, зыход якой вырашыў усё
28.03.2013 10:26
Благаслаўлёныя пакуты, мукі і цярпенні цела. Благаслаўлёныя ўсе страты, нявернасць сяброў і ахвяры любові. Благаслаўлёныя нежыццяздольнасць і крушэнні ўсіх зямных надзей. Тройчы благаслаўлёныя сум, мукі, цяжкасці і нягоды жыцця, якія патрабуюць ад чалавека смеласці і мужнасці, таму што яны робяць чалавека.
Аўторак, 26 сакавіка 2013
Чаму Вялікдзень — дзень асаблівы?
27.03.2013 00:00
Думаецца, толькі нядаўна была Папяльцовая серада і, здавалася, што Вялікі пост будзе цягнуцца вечна. Але вось ужо зусім хутка настане Вялікі тыдзень, у час якога асаблівым чынам будзем перажываць муку, смерць і ўваскрасенне Езуса Хрыста. У чарговым матэрыяле рубрыкі «Лікбез» паспрабуем разабрацца, чаму Вялікдзень называюць галоўнай урачыстасцю хрысціянаў, а таксама пазнаёмімся з некаторымі нюансамі яго перажывання.
«100 пытанняў — 100 адказаў». Чаму CМІ не маглі прадбачыць абранне папы Францішка?
26.03.2013 15:31
13 сакавіка, пасля развітання з Бэнэдыктам XVI і перыяду sede vacante , Касцёл атрымаў новага Папу. Час, які прамінуў з 11 лютага, быў вельмі інтэнсіўным і характарызаваўся вялікай увагай з боку СМІ да падзей, якія адбываліся ў Ватыкане. Толькі ў Вечным горадзе іх штодзённа асвятлялі больш за 5 тысяч журналістаў.
Нядзеля, 17 сакавіка 2013
Звышпрыроднае пачуццë веры Божага народу
18.03.2013 00:00
Перад тым, як у кантэксце мiжканфесiйнага дыялога закрануць тэму беспамылковага навучання Бiскупа Рыма, варта глыбей задумацца над сэнсам паняцця «звышпрыроднае пачуццë веры Божага народу», пра якое чытаем у Катэхiзiсе.
Субота, 16 сакавіка 2013
«Сённяшняга Папу я ведаю больш за 20 гадоў...»: эксклюзіўнае інтэрв'ю аргенцінскага святара з Расіі
17.03.2013 00:00
Аргенцінскі ксёндз Марыа Бэвераці працуе ў Расіі ўжо сямнаццаты год. Змяніўшы цёплы клімат Паўднёвай Амерыкі на снежную рускую зіму, у 1996 годзе святар прыехаў у постсавецкую Маскву толькі з адной мэтай — дапамагаць у аднаўленні Каталіцкага Касцёла ў Расіі. Як прызнаецца ён сам: ехаў дапамагаць біскупу Кандрусевічу. Атрымліваючы благаслаўленне ад біскупа Хорхе Берголіа, ксёндз Бэвераці не ведаў, што праз 17 гадоў пра яго біскупа будуць гаварыць ва ўсім свеце. Гісторыя знаёмства з будучым Пантыфікам — у інтэрв'ю Catholic.by. 
Чацвер, 14 сакавіка 2013
Чатыры радасці аб новым Папу
14.03.2013 11:10
Habemus Papam — словы доўгачаканыя, якія завяршаюць кароткі перыяд нявызначанасці ў жыцці Касцёла, словы, якія прыносяць радасць, незалежна ад таго, хто выйдзе на балкон базылікі святога Пятра ў белым адзенні новага Папы Рымскага.
Серада, 13 сакавіка 2013
Інтэрв'ю з Мітрапалітам Кандрусевічам з нагоды абрання новага Пантыфіка: нам патрэбны Пётр нашага часу
14.03.2013 01:17
У інтэрв'ю для Catholic.by Мітрапаліт Тадэвуш Кандрусевіч узгадвае пра сваё знаёмства з новаабраным Пантыфікам, разважае пра духоўную спадчыну папярэднікаў папы Францішка і дзеліцца сваімі чаканнямі ад узаемаадносін Ватыкана і Касцёла ў Беларусі.
Аўторак, 12 сакавіка 2013
«100 пытанняў — 100 адказаў». Хто можа быць абраны Папам?
12.03.2013 23:16
Мы прызвычаіліся, што ўжо на працягу многіх стагодзяў на Пасад св. Пятра выбіраецца адзін з членаў Калегіі кардыналаў, каталіцкі іерарх, звычайна не зусім маладога ўзросту. Такая традыцыя існуе ўжо на працягу многіх стагоддзяў і ўспрымаецца як нешта, што само сабой зразумелае.
Папа Рымскі і межы яго ўлады
12.03.2013 17:40
Папа з’яўляецца главою Рыма-каталіцкага Касцёла і ўсходніх Каталіцкіх Касцёлаў. Годнасць Папы з’яўляецца пажыццёвай, аднак ёсць магчымасць дабравольна ад яе адрачыся, як гэта было ў выпадку з Бэнэдыктам XVI, які 28 лютага гэтага года адмовіўся ад Пасады св. Пятра. Пасля смерці або адмаўлення Папы склікаецца канклаў — сход кардыналаў святога Рымскага Касцёла для абрання новага Папы.
Пятніца, 8 сакавіка 2013
Ці віншаваць законных сясцёр з 8 сакавіка?
08.03.2013 03:43
(…) Пробашч парафіі думаў, што 8 сакавіка ў яго не будзе надта шмат наведвальнікаў. Ён усеўся ў канцылярыі, каб падрыхтаваць казанне да вечаровага набажэнства з нагоды жаночага дня. Як толькі ён апынуўся за пісьмовым сталом, адразу ж з’явіўся наведвальнік па метрыку, затым прыйшоў іншы запрасіць святара да хворага, яшчэ адзін — наконт хросту дзіцяці. Святар ужо прыняўся пісаць метрыку, як у пакой нечакана заляцела нейкая жанчына. Яна была вельмі ўзбуджана і ўзрушана, злосць у ёй так і кіпела.
Аўторак, 5 сакавіка 2013
«100 пытанняў — 100 адказаў». Хто такія ватыканісты?
06.03.2013 00:00
На працягу апошніх некалькіх тыдняў увага большасці сусветных СМІ безумоўна звернута да падзей у Ватыкане. Напэўна, не адзін выпуск вячэрніх навінаў не праходзіць без узгадкі таго ці іншага факту, звязанага з актуальнымі падзеямі, якія адбываюцца ў сэрцы Каталіцкага Касцёла.
Нядзеля, 3 сакавіка 2013
Віктар Хруль, былы прэс-сакратар Мітрапаліта Кандрусевіча: спрачацца з духоўнымі асобамі можна
04.03.2013 00:00
Дзесяць гадоў журналіст Віктар Хруль працаваў прэс-сакратаром Мітрапаліта Тадэвуша Кандрусевіча. Сёння Віктар Хруль — рэлігійны карэспандэнт «РИА Новости», а таксама выкладчык на журфаку МДУ ў Маскве. У інтэрв’ю для Сatholic.by журналіст узгадвае сваю працу з мітрапалітам і разважае над спецыфікай супрацоўніцтва з журналістамі свецкіх СМІ.
Серада, 27 лютага 2013
Ці мой пост сапраўдны?
28.02.2013 00:00
Ні для каго не сакрэт, што Вялікі пост для хрысціяніна з’яўляецца часам падрыхтоўкі да святкавання Перамогі. Кожная перамога патрабуе ад нас вялікіх намаганняў, а часам і стратаў. І ў пэўны момант мы апынаемся ў сітуацыі, калі трэба вырашыць, што для мяне больш важнае: перамога, да якой я імкнуся, ці штосьці, чым трэба ахвяраваць, каб яе, перамогу, асягнуць. Чым важнейшая перамога, тым цяжэйшыя часта трэба панесці страты. Тым цяжэй зрабіць правільны выбар.
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця