Фота Аўдыё Відэа  
be  ru  pl  en  de info@catholic.by
Цяжкія старонкі Святога Пісання: што азначае выраз «Маўчы! Бо нельга ўжываць імя Пана!»
Цяжкія старонкі Святога Пісання
09.01.2017 08:06

Чытач пад нікам Ben Binben задае пытанне: «Дапамажыце, калі ласка, з тлумачэннем урыўка з кнігі прарока Амоса (Ам 6, 10). Мне не зусім зразумела, што азначае выраз “Маўчы! Бо нельга ўжываць імя Пана!” у кантэксце дадзенага верша».

Кнігі прарокаў, якія з’яўляюцца часткай Старога Запавету, вельмі цяжкія для тлумачэння. Яны патрабуюць ведання і глыбокага разумення гістарычнага і культурнага фону часу ўзнікнення кніг. Сённяшні чытач павінен адчуць сябе чалавекам тых часоў і пачаць думаць падобна тым людзям.

У радках, якія папярэднічаюць дзясятаму вершу шостага раздзела кнігі Амоса, прарок прадказваў Божае пакаранне людзей, якое здзейснілася. Такім чынам, у доме, дзе жылі дзесяць асоб, усе загінулі. Затым туды ўваходзяць два чалавекі — той, хто выносіць косці (г. зн. целы памерлых), і той, хто іх потым спаліць.

Цяжка сказаць, якім было Божае пакаранне. Аднак, па прычыне таго, што памерлых спальвалі, вучоныя дапускаюць, што гэта была нейкая смяротная хвароба, паколькі ў Ізраэлі быў распаўсюджаны звычай пахавання, а не крэмацыі людзей.

У кнізе прарока Амоса (Ам 6, 10) гучыць пытанне: ці ёсць яшчэ хтосьці ў доме? Гучыць адмоўны адказ, і потым ужо немагчыма высветліць, хто да каго звяртаецца.

Адна з магчымых інтэрпрытацый гэтага месца ў Святым Пісанні такая: страх ад відовішча Божага пакарання настолькі вялікі, што людзі баяцца вымавіць імя Пана, каб Ён не пачуў голас жывога чалавека і не забіў тых, хто выжыў.

Падсумоўваючы, можна сказаць, што ва ўяўленні людзей Старога Запавету вобраз Бога часта адрозніваўся ад нашага ўяўлення пра Бога. Бога бачылі тым, які карае, забівае, злуецца. Так людзі думалі пра Бога да прыйсця Хрыста, але не заўсёды, бо і на старонках Старога Запавету мы сустракаем Бога добрага, міласэрнага, які прабачае. Сапраўдны вобраз Пана Бога мы знаходзім у Новым Запавеце, які дае Хрыстус, — і такі Бог нас збаўляе.

Кс. Валдзіс Дрыксна

aКсёндз Валдзіс Дрыксна, святар Ліепайскай дыяцэзіі (Латвія), дактарант Інстытута Біблейскіх Навук Люблінскага Каталіцкага ўніверсітэта св. Яна Паўла ІІ

Калі ў вас ёсць пытанні, якія датычаць Святога Пісання, дасылайце іх на адрас Гэты e-mail адрас абаронены ад спаму-ботаў, для яго прагляду ў Вас павінен быць уключаны Javascript . У тэме ліста пазначце: «Цяжкія старонкі Бібліі».
 

Пры выкарыстанні матэрыялаў сайта спасылка на Catholic.By абавязкова.

Цяжкія старонкі Святога Пісання

05.04 11:39Цяжкія старонкі Святога Пісання: чаму Бог ахвяру ад Абэля прыняў, а ад Каіна — не?
25.03 09:56Цяжкія старонкі Святога Пісання: у чым розніца «народа ізраэльскага» ад «народа габрэйскага»?
10.03 12:35Цяжкія старонкі Святога Пісання: хто і калі павінен пакрываць галаву ў Касцёле?
03.03 09:00Цяжкія старонкі Святога Пісання: калі прыйдзе Валадарства Божае?
30.01 14:51Цяжкія старонкі Святога Пісання: чаму Бог рабіў жорсткім сэрца фараона?
21.01 11:00Цяжкія старонкі Святога Пісання: грэх супраць Духа Святога не будзе адпушчаны ні ў гэтым веку, ні ў будучым?
17.01 08:54Цяжкія старонкі Святога Пісання: чаму, калі жаніх спазняўся, то паснулі ўсе — і мудрыя, і неразумныя?
09.01 08:06Цяжкія старонкі Святога Пісання: што азначае выраз «Маўчы! Бо нельга ўжываць імя Пана!»
03.12 07:15Цяжкія старонкі Святога Пісання: чаму Езус кажа пра тры дні і тры ночы, у той час як у грабніцы Ён быў толькі дзве ночы?
21.11 11:33Цяжкія старонкі Святога Пісання: чаму Бог Старога Запавету прадстаўляецца ў Святым Пісанні жорсткім?