Падведзены вынікі беспрэцэдэнтнай акцыі «Папа для Украіны». За два гады гуманітарнай ініцыятывы ахвяры вайны на ўсходзе краіны атрымалі дапамогу ў памеры 16 мільёнаў еўра.
Спецыяльна да гэтага быў прымеркаваны візіт у Кіеў кардынала Пітэра Тарксана, прэфекта Дыкастэрыі па служэнні інтэгральнаму развіццю чалавека. Прадстаўнік Святога Пасаду засведчыў блізкасць папы Францішка да ўкраінскага народа.
Дзякуючы сродкам, сабраным у касцёлах Еўропы, і фінансавым рэсурсам з асабістага фонду Папы дапамогу атрымалі каля 16 тысяч.
У нядзелю ў архікатэдральным касцёле Кіева кардынал Тарксан маліўся за мір ва Украіне. У Сусветны дзень бедных ён таксама сустрэўся з бяздомнымі, пра якіх клапоцяцца Місіянеркі Божай Любові.
