Дабрачынная каталіцкая арганізацыя Caritas Італія прадставіла даклад аб уплыве беднасці на псіхічнае здароўе. У цэнтры даследавання — трывожная дынаміка апошніх гадоў: колькасць дэпрэсіўных расстройстваў сярод людзей, якія звяртаюцца па дапамогу ў Caritas, за дзесяцігоддзе вырасла на 154 працэнта.
Па дадзеных даследаванні, у 80 працэнтах выпадкаў цяжкасці з псіхічным здароўем супадаюць з матэрыяльнымі і сацыяльнымі нягодамі, узмацняючы ўзаемны ўплыў беднасці і пакут. Рост псіхічных расстройстваў асабліва прыкметны ў маладых людзей 18-25 гадоў, сярод якіх сустракаюцца трывожныя станы, панічныя атакі і дэпрэсія, здольныя сур'ёзна ўскладняць жыццё. У рамках сваёй працы з уразлівымі групамі Caritas Італія асабліва засяроджаны на падтрымцы бяздомных, жанчын, якія перажылі гвалт, разведзеных бацькоў з нізкім прыбыткам, пажылых пасля страты падтрымкі сям'і і бацькоў, якія сутыкаюцца з эканамічнымі цяжкасцямі.
Аўтары даклада падкрэсліваюць сістэмны характар праблемы: недастатковае фінансаванне аховы здароўя і скарачэнне мясцовых сацыяльных службаў узмацняюць тэрытарыяльную няроўнасць у аказанні дапамогі. Без падтрымкі псіхічныя расстройствы ўзмацняюць беднасць і эканамічную нестабільнасць.
На думку кардынала Матэа Дзупі, Старшыні Канферэнцыі Бікупаў Італіі, вырашэнне праблемы патрабуе цэласнага падыходу:
«Псіхічнае расстройства нельга зразумець і лячыць, калі яго ізаляваць ад матэрыяльных умоў і сувязяў паміж людзьмі, у якіх яно фарміруецца. Чалавек заўсёды звязаны з грамадствам і знаходзіць сябе, нанова выбудоўваючы адносіны з ім».
Гэтыя словы падкрэсліваюць важнасць інтэграцыі сацыяльнай падтрымкі, медыцынскай дапамогі і ўзнаўлення сацыяльных сувязяў як ключавых элементаў прафілактыкі і лячэння.
