Прыкладна 3,6 млн аргенцінцаў удзельнічалі ў дэманстрацыях у больш чым 200 гарадах краіны ў падтрымку права дзіцяці, якое знаходзіцца ва ўлонні маці, на жыццё.
Акцыі пратэсту прайшлі ў сувязі з тым, што дэпутаты парламента Аргенціны рыхтуюцца да галасавання па законапраекце, які легалізуе забойства дзяцей ва ўлонні маці амаль незалежна ад абставінаў у першыя 14 тыдняў цяжарнасці.
Дэманстранты выкрыквалі лозунгі «Я галасую за жыццё», неслі плакаты з надпісамі «Я хачу нарадзіцца. Мне 8 тыдняў. Маё жыццё ў тваіх руках».
Маштабныя дэманстрацыі за і супраць абортаў пачаліся ў Аргенціне ў сакавіку 2018 года. Спачатку ў падтрымку абортаў прайшла прыкладна 350-тысячная фемінісцкая дэманстрацыя, потым адбыліся не меншыя па колькасці ўдзельнікаў акцыі ў абарону жыцця дзяцей.
«Марш за жыццё» ў Буэнас-Айрэсе
Зараз у Аргенціне аборты дазволеныя толькі ў тым выпадку, калі цяжарнасць стала вынікам згвалтавання ці калі яна пагражае жыццю жанчыны.
Аргенцінскія СМІ пішуць, што за апошнія годы міжнароднае праабортнае лобі выдаткавала як мінімум 5 млн даляраў на прапаганду абортаў у краіне.
Аляксандр Гелагаеў паводле lifesitenews.com
