15 сакавіка іерархаў прыняў папа Францішак. Святы Айцец цікавіўся найперш сітуацыяй мясцовых хрысціян, якія перажываюць штораз большую дыскрымінацыю.
Біскуп Джозаф Кутс, Мітрапаліт Карачы, так пракаментаваў аўдыенцыю ў Пантыфіка:
«Папа хацеў, каб мы расказалі яму пра негатыўныя рэчы, якія адбываюцца ў Пакістане, пра тэрарызм і падобныя справы. Ён вельмі перажывае на гэты конт. Гэта было бачна па яго твары. Ён хацеў ведаць, як мы даём з гэтым рады.
Мы расказалі яму пра выклікі, з якімі сутыкаецца мясцовы Касцёл. Але разам з тым у нас шмат надзеі. Наш уклад у жыццё нашай краіны, у яе развіццё сапраўды вялікі. Як і ў іншых краінах Паўднёвай Азіі. Мы робім гэта дзякуючы адукацыі, нашым шпіталям і ўсёй службе аховы здароўя. У нас добра развітыя сеткі дабрачынных арганізацый. Мы працуем з недзеяздольнымі і наркаманамі.
Таксама і такім чынам мы сведчым пра нашу веру, паказваючы, што гэта азначае „быць хрысціянінам“ у нехрысціянскім асяроддзі. Нашыя ўстановы адкрытыя для ўсіх. Ва ўсім, што робім, мы не абмяжоўваемся толькі дапамогай хрысціянам», — заключыў біскуп.
Раней, у пачатку візіту аd limina Apostolorum, пакістанскія іерархі адзначалі, што хочуць запрасіць Святога Айца наведаць іх краіну з афіцыйным візітам.
