Навукоўцы з універсітэта Балтыстане ў Скарду, што на поўначы Пакістана, выявілі ў Гімалаях, а дакладней — у горнай сістэме Каракарум, вялікі мармуровы крыж памерам 183×213 см, які важыць ад трох да чатырох тон.
Як паведамляе Каталіцкае інфармацыйнае агенства КАІ, ён быў створаны больш за тысячу гадоў таму, што сведчыць аб старажытнай прысутнасці хрысціянства ў гэтым рэгіёне. На прэс-канферэнцыі ў Скарду 14 чэрвеня навукоўцы абвясцілі, што даследаванні будуць працягнутыя.
Рэгіён Балтыстана мяжуе з Афганістанам, кітайскай правінцыяй Сіньдзян і Джаму і Кашмірам у Індыі. У рэгіёне пражывае 1,3 мільёна чалавек, большасць з якіх з'яўляюцца мусульманамі. Крыж быў знойдзены на вялікай вышыні і названы «Крыж Кавардо» па назве бліжэйшай мясцовасці.
Гэта адзін з самых вялікіх крыжоў, выяўленых на Індыйскім субкантыненце. Паводле першых ацэнак крыж датуецца прыкладна 1000-1200 гадамі.
Пакістанскія навукоўцы павведамілі, што яны будуць супрацоўнічаць з еўрапейскімі і амерыканскімі універсітэтамі, каб вызначыць яго дакладны ўзрост.
На тэрыторыі Гілгіту-Балтыстанскай вобласці размешчана большая частка горнага хрыбта Каракарум з другой па вышыні вяршыняй на зямлі — гарой чагары (К2), некалькімі васьмітысячнікамі: Гашэрбрум I, Броўд Пік, Гашэрбрум II, Броўд Пік Сярэдні і пятнаццаццю сямітысячнікамі.
