Пошук


21.11.2017 11:51   «Интерфакс»
Фота: magadan-eparchy.ru

Мільён подпісаў у абарону чалавечага жыцця з моманту зачацця і да натуральнай смерці, за забарону штучных абортаў і аказанне фінансавай дапамогі з федэральнага бюджэту цяжарным і сем’ям з дзецьмі перададуць 21 лістапада ў адміністрацыю прэзідэнта РФ прадстаўнікі руху «За жыццё!».

Як паведамілі журналістам у прэс-службе руху, раніцай 21 лістапада ўдзельнікі акцыі стануць у жывую чаргу каля адміністрацыі Крамля са скрынкамі, у якіх будуць знаходзіцца подпісы, сабраныя тысячамі добраахвотнікаў ва ўсіх 85 рэгіёнах краіны. Усе скрынкі аформлены дзіцячымі малюнкамі. Подпісы змясціліся ў 100 скрынках.

Затым у гэты ж дзень пройдуць акцыі каля пасольстваў тых краін, дзе жыццё дзіцяці да нараджэння найбольш абаронена, у падтрымку заканадаўчай пазіцыі гэтых краін.

У той жа дзень у сацыяльных сетках распачнецца флэшмоб, прыхільнікі права чалавека на жыццё з моманту зачацця будуць выкладваць фотаздымкі з хэштэгамі #миллион_ и _я #зажизнь.

«У той ці іншай ступені жыццё дзіцяці да нараджэння абаронена ў 139 краінах свету. Выміраючая Расія адносіцца да катэгорыі самых ліберальных краін, дзе жыццё чалавека да нараджэння не абаронена нічым», — распавёў журналістам каардынатар руху Сяргей Часнакоў.

Абноўлена 21.11.2017 14:03
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа