Пошук


05.07.2017 15:01  

«Сексуальная адукацыя» ў духу, які супярэчыць хрысціянскім прынцыпам, хутчэй павялічвае колькасць падлеткавых цяжарнасцяў, чым скарачае іх. Пра гэта сведчыць нядаўна апублікаванае даследаванне.

Артыкул «Эфект скарачэння выдаткаў на падлеткавую цяжарнасць» у часопісе The Journal of Health Economics прааналізаваў даныя з Англіі — перад і пасля таго, як урад знізіў фінансаванне праграмы па сексуальнай адукацыі, якая была заснавана на антыхрысціянскіх падыходах і прапагандзе ўжывання кантрацэпцыі.

Высветлілася, што ў выніку скарачэння выдаткаў колькасць падлеткавых цяжарнасцяў знізілася на 42,6 працэнта. Брытанскае Бюро нацыянальнай cтатыстыкі паведаміла, што толькі за мінулы год паказчык скараціўся на 8,7 працэнта.

Такім чынам, лічба цяжарнасцяў у школьніц упала да самага нізкага ўзроўню з 1969 году. Вучоныя лічаць, што прапаганда кантрацэпцыі і пашырэнне «сексуальных ведаў» у школах хутчэй спрыялі небяспечным сексуальным паводзінам хлопцаў і дзяўчат.


«Кантрацэпцыя скарачае рызыку цяжарнасцяў у выніку сексуальных кантактаў, якія б адбыліся і так, аднак можа павялічваць колькасць саміх такіх кантактаў сярод школьнікаў, спрыяць больш ранняму пачатку сексуальнага жыцця», — гаворыцца ў даследванні.

«Праграмы "сексуальнай адукацыі" спрыяюць нармалізацыі падлеткавай сексуальнай актыўнасці... У той жа час гэтыя праграмы нават не прапануюць дзецям устрымлівацца ад сексу да шлюбу. У выніку яны павялічваюць рызыку падлеткавай цяжарнасці», — адзначнае Скот Флепс, прадстаўнік арганізацыі «Партнёрства дзеля адукацыі ў сферы чыстасці і шлюбу».

(lifesitenews.com/cath/alg)


Абноўлена 10.07.2017 18:03
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.