Раніцай 25 лютага адбыўся тэрарыстычны напад на людзей, якія сабраліся на нядзельную святую Імшы ў вёсцы Эсаканэ ў дыяцэззіі Доры ў Буркіна-Фасо на захадзе Афрыкі.
У выніку нападу 15 чалавек былі забітыя, яшчэ двое параненыя.
У сувязі з гэтым дыяцэзія Доры апублікавала паведамленне, у якім, між іншым, гаворыцца:
«У гэтай балючай сітуацыі заахвочваем да малітвы аб вечным адпачынку для тых, якія загінулі ў веры, аб здароўі для параненых і суцяшэнні для засмучаных сэрцаў. Молімся таксама аб навяртанні тых, хто працягвае сеяць смерць і спусташэнне ў нашай краіне. Няхай нашыя высілкі пакаяння і малітвы ў гэты перыяд Вялікага посту прынясуць мір і бяспеку нашай краіне, Буркіна-Фасо», — сказана ў паведамленні.
Сярод ахвяр 12 чалавек загінулі на месцы, яшчэ трое памерлі ад атрыманых раненняў. За жыццё яшчэ двух параненых змагаюцца медыкі. Паводле СМІ, напад здзейснілі ўзброеныя мужчыны ў каталіцкім касцёле ў Эссаканэ.
