Наведаць Калізей, пабачыць Сікстынскую капелу і ўкінуць манету ў фантан Трэві — вось адмысловы ліст to do для турыста ў Рыме. Штодня а шостай ранку фантан закрываюць на адну гадзіну, каб сабраць манеты з яго дна, а гэта каля трох тысяч еўра.
Манеты, якія турысты кідаюць у фантан Трэві ў Італіі, не марнуюцца — іх прызначаюць на дабрачыннасць. Так, у 2016 годзе такім чынам удалося сабраць больш за паўтара мільёна долараў.
Дзякуючы гэтаму сеткі прадуктовых магазінаў атрымалі датацыі на харчаванне патрабуючых. Праект арганізаваў рымскі Caritas.
Як паведляе нямецкае інфармагенцтва DPA, у 2013 годзе фантан Трэві «зарабіў» каля 100 тысяч еўра. Затым на працягу 18 месяцаў яго рамантавалі. У выніку турысты пачалі кідаць манеты у фантан у 10 разоў больш.
Кажуць, што рост сумы адбыўся дзякуючы папулярнасці сацыяльных сетак, у прыватнасці інстаграму. Кідаць манеты ў фантан — старадаўняя рымская легенда, а рамантычная камедыя «Тры манеты для фантана» (1954) толькі спрыяла яе пашырэнню.
