«Ніякіх жартаў з моладдзю, якая прыходзіць да нас, каб паступіць у семінарыю», — сцвердзіў Папа Францішак, звяртаючыся да большы чым 200 італьянскіх біскупаў 24 мая падчас адкрыцця пасяджэння Канферэнцыі Біскупаў Італіі.
Па словах Пантыфіка, якія прыводзіць польскі партал Deon.pl, «існуе вялікая небяспека» памыліцца падчас прыняцця ў семінарыю.
«Часта мы бачылі семінарыстаў, якія здаваліся добрымі, а насамрэч яны суровыя. Суровасць не з’яўляецца добрым духам. А потым мы разумелі, што за гэтай суровасцю былі схаваны вялікія праблемы»,— адзначыў Святы Айцец, дадаўшы, што гаворка ідзе пра семінарыстаў, адносна якіх не ўдакладнялася інфармацыя, пра тых, «каго выключылі з супольнасці або з дыяцэзіі».
Папа Францішак падчас адкрыцця пасяджэння ў вялікім рымскім атэлі, дзе, між іншым, праходзяць розныя конкурсы і ўступныя экзаміны, пажартаваў: «Калі я прыйшоў сюды, то ў мяне з’явілася дрэнная думка: тут сход біскупаў ці конкурс на самага прыгожага біскупа?»
