Пошук

18.03.2020 11:10   Паводле: Vatican News
Ілюстрацыйная выява: GettyImages

Ніводная арганізацыя ў свеце не працуе больш шырока ў сферы адукацыі, аховы здароўя і барацьбы з беднасцю, чым Каталіцкі Касцёл, сведчыць справаздача, замоўленая Джорджтаўнскім універсітэтам у ЗША.

Як паведаміла 17 сакавіка беларуская рэдакцыя парталу Vatican News, па статыстыцы, манаскія кангрэгацыі, дыяцэзіі і супольнасці вядуць ва ўсім свеце звыш 150 тыс. школ, дзе навучаюцца 54 млн чалавек, і больш за 70 тыс. дзіцячых садкоў. Толькі колькасць вучняў, якія наведваюць каталіцкія сярэднія школы, павялічылася з амаль 8 млн у 1970-х гадах да цяперашніх 20 млн. Сапраўднае развіццё адбылося ў Афрыцы, дзе колькасць навучэнцаў вырасла з 1980-х гадоў у чатыры разы.

У 1970 г. католікі складалі 18% насельніцтва свету, і гэтыя лічбы за 50 гадоў значна не змяніліся. Тым не менш, праца Касцёла ў сферах адукацыі і сацыяльнага забеспячэння значна вырасла ў плане паслуг і колькасці ўключаных у іх людзей.

У прыватнасці, гэта датычыцца бедных краін, дзе дзяржаўнай дапамогі часта амаль не існуе.

Касцёл утрымлівае больш за 5 тыс. шпіталяў, 16 тыс. паліклінік, столькі ж дамоў для пажылых, хранічна хворых і інвалідаў, 10 тыс. дамоў дзіцяці, аналагічную колькасць ясляў, 13 тыс. сямейных кансультацый, больш за 3 тыс. адукацыйных цэнтраў і больш за 30 тыс. іншых дабрачынных структур.

Гэты спіс не ўключае вялікую працу, якую вядуць у многіх краінах каталіцкія рухі свецкіх.

Абноўлена 18.03.2020 12:17
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця