Бэнэдыкт XVI запэўніў чытачоў Corriere della sera у сваёй удзячнасці за духоўнае суправаджэнне «на апошнім этапе дарогі».
У адказ на просьбу Масімо Франка з рымскай рэдакцыі найбуйнейшага італьянскага выдання Пантыфік на пенсіі скіраваў наступныя словы:
«Паважаны доктар Франка, мяне вельмі ўзрушыла, што так шмат чытачоў газеты хочуць ведаць, як я праводжу апошні перыяд майго жыцця.
У гэтай сувязі магу толькі сказаць, што ў павольным фізічным знясіленні ўнутрана я вандрую да Дому.
Гэта вялікая ласка для мяне, быць акружаным, на гэтым апошнім этапе шляху, часам крыху складаным, настолькі вялікімі любоўю і дабрынёй, якіх я не мог сабе ўявіць. У гэтым сэнсе я ўспрымаю пытанне чытачоў у якасці суправаджэння на шляху. Таму я магу толькі падзякаваць, запэўніўваючы ў малітве. Шлю мае сардэчныя прывітанні».
16 красавіка 2017 г. Папу на пенсіі Бэнэдыкту XVI споўнілася 90 гадоў. Кардынал Ёзэф Ратцынгер быў абраны на Пасад св. Пятра 19 красавіка 2005 г. у выніку дастаткова кароткага канклаву, становячыся пераемнікам Яна Паўла II.
Бэнэдыкт XVI выконваў сваю функцыю да 28 лютага 2013 г. Раней, 11 лютага, ён абвясціў аб сваім сыходзе.
