Пошук

26.06.2017 17:07  

Святы Пасад пракаментаваў справу кітайскага біскупа Пітэра Шао Жуміна, пастыра дыяцэзіі Вэньчжоў у кантынентальным Кітаі. Кіраўнік Залы Друку заявіў, што «Апостальская Сталіца з сур’ёзнай заклапочанасцю назірае за асабістай сітуацыяй» іерарха, «гвалтоўна выдаленага з сваёй біскупскай сталіцы некаторы час таму». 

Кітайскія ўлады амаль год таму затрымалі прызнанага Святым Пасадам біскупа.

У ватыканскім паведамленні адзначаецца, што дыяцэзіяльная каталіцкая супольнасць і сваякі іерарха не маюць ніякіх звестак аб ім і яго месцазнаходжанні, а таксама нічога не ведаюць аб прычынах яго выдалення. Апостальская Сталіца «глыбока засмучана» гэтым і іншымі падобнымі эпізодамі, якія, на жаль, не спрыяюць шляху разумення. Ватыканскі бок выказвае надзею на тое, што біскуп Шао Жумін зможа як мага хутчэй вярнуцца ў дыяцэзію і мець магчымасць ажыццяўлення свайго біскупскага служэння. Святы Пасад запрашае маліцца за іерарха і Каталіцкі Касцёл у Кітаі.

Паводле некаторай інфармацыі, у раёне Вэньчжоў пражывае каля 120 тысяч католікаў. Частка з іх на працягу многіх гадоў наведвае набажэнствы «падпольнага» Касцёла, які знаходзіцца ў лучнасці са Святым Пасадам. Іншыя католікі Вэньчжоў, як і ўсяго Кітая, належаць да прызнанай кітайскімі ўладамі касцёльнай супольнасці. У гэтым горадзе высокі адсотак вернікаў і вялікая колькасць храмаў. Менавіта тут улады камуністычнага Кітая на працягу апошніх пяці гадоў праводзяць кампанію па зносе касцёлаў і выдаленні крыжоў.

(be.radiovaticana.va)

Абноўлена 05.09.2017 14:29
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця