Пошук

28.04.2017 09:26  

Сучасны свет, у якім часта пануюць насілле, прагнасць і абыякавасць, існуе вялікая патрэба ў хрысціянскім сведчанні надзеі, падкрэсліў Францішак у звароце да членаў Papal Foundation — амерыканскай каталіцкай арганізацыі, якая займаецца фінансаваннем папскіх дабрачынных праектаў у розных краінах свету.

Папа прыняў дэлегацыю 27 красавіка на аўдыенцыі ў Ватыкане.

«Я ўдзячны за вашу гатоўнасць дапамагаць Касцёлу у яго намаганнях абвяшчаць пасланне надзеі аж да краю зямлі і працаваць дзеля духоўнага і матэрыяльнага прагрэсу нашых братоў і сясцёр у свеце, асабліва ў краінах, якія развіваюцца. Кожны з вас, як жывы член Цела Хрыстовага, пакліканы спрыяць адзінству і міру чалавечай сям’і і ўсіх, хто яе складае ў Хрысце, згодна з воляй Айца», — сказаў Пантыфік.

Папа Францішак заклікаў дабрачынцаў маліцца аб вырашэнні праблем бедных, навяртанні сэрцаў, распаўсюджванні Евангелля і ўзрастанні Касцёла ў святасці і місійным запале.

Papal Foundation (Папскі фонд) заснаваны ў 1988 г. па ініцыятыве духавенства і свецкіх вернікаў ЗША. Фонд атрымлівае даходы ад інвестыцый у кампаніях, дзейнасць якіх не супярэчыць хрысціянскай веры. Донарамі арганізацыі могуць быць фізічныя асобы, фонды і аб’яднанні. Членства ў Papal Foundation пачынаецца з жадання ахвяраваць 1 млн долараў на працягу 10 гадоў з мінімальнай штогадовай ахвярай у 100 тыс долараў.

Паводле Беларускай рэдакцыі Ватыканскага радыё
(VGr)

Абноўлена 22.08.2017 12:52
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця