9 ліпеня ў Ватыкане адбудзецца прэс-канферэнцыя, на якой будзе прадстаўлены Instrumentum laboris — працоўны дакумент другой сесіі XVI Звыйчанай Генеральнай Асамблеі Сіноду Біскупаў на тэму сінадальнасці.
Беларуская рэдакцыя парталу Vatican News нагадвае, што другая сесія Сіноду на тэму «На карысць Касцёла сінадальнага: камунія, удзел, місія» пройдзе ў Ватыкане з 2 па 27 кастрычніка.
Дэлегатам Касцёла ў Беларусі на Сінодзе з’яўляецца біскуп Аляксандр Яшэўскі SDB.
Як гаворыцца ў ватыканскім паведамленні, прэзентацыя працоўнага дакумента сесіі пройдзе ў Прэс-службе Святога Пасаду.
У прэс-канферэнцыі будуць браць удзел Генеральны сакратар Сіноду Біскупаў кардынал Марыё Грэк, Генеральны рэлятар Сіноду люксембуржскі кардынал Жан-Клод Ольрыш, а таксама спецыяльныя сакратары Сіноду ксяндзы Рыкардо Батокіа і Джакамо Коста.
Прэс-канферэнцыя распачнецца апоўдні па рымскім часе і будзе транслявацца ў прамым эфіры YouTube-канале Vatican News.
