Ілюстрацыйнае фота / Canva.com
28 сакавіка, у Вялікі чацвер, Папа Францішак прыватна наведае жаночую турму Rebibbia ў Рыме, каб цэлебраваць святую Імшу Вячэры Пана і сустрэцца са зняволенымі і супрацоўнікамі пенітэнцыярнай установы.
Пра гэта са спасылкай на паведамленне прэфектуры Папскага дома паведаміла Каталіцкае інфармацыйнае агенцтва КАІ.
З моманту свайго абрання на Пятровы Пасад у 2013 годзе Папа Францішак цэлебраваў святую Імшу Вячэры Пана па-за Ватыканам — у турмах, ізалятарах для непаўналетніх, клініках, цэнтрах для бежанцаў і аднойчы ў асабістай капліцы кардынала Бэчу, а падчас пандэміі 2020 года — у выглядзе выключэння — у пустой ватыканскай базыліцы.
