Пошук


24.05.2017 13:41  

Каля 30 хвілін доўжылася размова сам-насам Святога Айца Францішка з прэзідэнтам ЗША Дональдам Трампам.

Як адзначаецца ў паведамленні, апублікаваным прэс-службай Апостальскай сталіцы, з размовы абодвух іерархаў было выказана задавальненне з нагоды добрых двухбаковых стасункаў паміж Апостальскай сталіцай і ЗША, а таксама сумеснай ангажаванасці ў справе жыцця, рэлігійнай свабоды і свабоды сумлення.

Бакі выказалі ўзаемнае жаданне супрацоўнічаць у сферы аховы здароўя, адукацыі і дапамогі мігрантам.

Падчас дыскусіі Св. Айцец і прэзідэнт ЗША абмяняліся думкамі на розныя тэмы, датычныя міжнародных спраў і ўсталявання міру на зямлі праз палітычныя перамовы і міжрэлігійны дыялог, звяртаючы асаблівую ўвагу на сітуацыю на Блізкім Усходзе і абарону хрысціянскіх супольнасцей.



Пазней да Пантыфіка і Дональда Трампа далучыліся таксама члены амерыканскай дэлегацыі: найперш члены сям’і — жонка Меланія, зяць Джарэд Кушнер і дачка Іванка, а таксама прадстаўнікі адміністрацыі на чале з Дзяржсакратаром ЗША Рэксам Цілерсанам.

Усяго ў склад амерыканскай дэлегацыі ўваходзіць 11 чалавек.

Святы Айцец перадаў Дональду Трампу ў дар экзэмпляр свайго паслання да Сусветнага дня міру-2017 на тэму адрачэння ад насілля, энцыкліку Laudato si' і адгартацыю Amoris laetitia. Таксама Пантыфік благаславіў ружанцы, якія былі пасля ўручаны гасцям.

Пасля аўдыенцыі ў Папы Рымскага прэзідэнт ЗША разам з Рэксам Цілерсанам сустрэліся з сакратаром Дзяржсакратарыяту Апостальскай Сталіцы кардыналам П’етро Паралінам. Пасля заканчэння афіцыйнай часткі праграмы амерыканская дэлегацыя наведала Сікстынскую капэлу і Сабор святога Пятра.

(it. radiovaticana.va/kai/cath)




Абноўлена 18.08.2017 12:19
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа