Пасля малітвы «Уладарка неба» 7 мая на плошчы святога Пятра ў Ватыкане Папа Рымскі, звяртаючыся да вернікаў, папрасіў не забывацца аб малітве за яго.
«У маі мы асаблівым чынам молімся Ружанец за мір. Вельмі прашу: будзем маліцца Ружанец за мір, як прасіла Панна Марыя ў Фаціме, куды я праз некалькі дзён накіруюся ў пілігрымку з нагоды стагоддзя першага аб’яўлення.
Усім жадаю добрай нядзелі. І, калі ласка, не забывайцеся маліцца за мяне».
