Пошук

21.04.2017 08:40  

Канстанцінопальскі Патрыярх Барталамей наведае Егіпет 28-29 красавіка — у тыя дні там будзе знаходзіцца Папа Рымскі Францішак. Абодва лідары прымуць удзел у мірнай канферэнцыі, якая адбудзецца ў ісламскім універсітэце «Аль-Азхар» у Каіры.

Усяленскі Патрыярх атрымаў запрашэнне ад вялікага імама «Аль-Азхара», які таксама запрасіў на сустрэчу копцкага Патрыярха Тавадроса — кіраўніка Царквы, два храмы якой былі атакаваныя тэрарыстамі 9 красавіка ў Пальмовую нядзелю.

Барталамей паведаміў пра свае планы пабываць у Егіпце пасля велікоднага набажэнства ў Георгіеўскім саборы ў Стамбуле. Ён таксама расказаў пра ліст ад папы Францішка, у якім той дзякуе яму за сяброўскія пачуцці і выказвае надзею на новую хуткую сустрэчу.

«Я таксама быў запрошаны ўніверсітэтам у Каіры 28 красавіка і магу сустрэцца з гэтай нагоды з Пантыфікам», — дадаў кіраўнік Канстанцінопальскай Царквы.

Папа Францішак і Патрыярх Барталамей раней ужо сустракаліся некалькі разоў: у прыватнасці, у красавіку 2016 г. на грэчаскім востраве Лесбас, дзе яны наведалі лагер бежанцаў, і ў Ватыкане ў чэрвені 2013 г., дзе разам з лідарамі Ізраіля і Палесціны прымалі ўдзел у малітве за мір у Святой Зямлі.

Паводле blagovest-info.ru (IL)


Абноўлена 05.09.2017 15:49
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.