Пошук

01.04.2017 07:14  

Папа Францішак прыняў 30 сакавіка 2017 г. на прыватнай аўдыенцыі прыёра супольнасці Тэзэ, брата Алоіса, які ў гэтыя дні знаходзіцца ў Рыме.

Пра гэта паведамляе беларуская рэдакцыя Ватыканскага радыё.

Сустрэча стала працягам штогадовых аўдыенцый, якія давалі заснавальніку экуменічнай супольнасці, брату Ражэ папярэднікі папы Францішка — Папы Рымскія Пій XII, Ян XXIII, Павел VI, Ян Павел II і Бэнэдыкт XVI.

Традыцыйна, падчас такіх аўдыенцый браты распавядаюць пра свой экуменічны досвед, сустрэчы маладых людзей у Тэзэ і міжнародныя форумы, арганізаваныя супольнасцю на розных кантынентах.

Тэзэ — міжнародная хрысціянская экуменічная супольнасць, заснаваная ў 1940 г. братам Ражэ Шуцам, які пераехаў у Францыю са Швейцарыі.

Сёння ў супольнасці налічваецца больш за 100 манахаў розных нацыянальнасцей, якія прадстаўляюць пратэстанцкія дэнамінацыі і Каталіцкі Касцёл. Жыццё тут абапіраецца на малітву і духоўныя разважанні. На працягу года моладзь з усіх кантынентаў наведвае Тэзэ, а раз на год напярэдадні Божага Нараджэння ў адным з еўрапейскіх гарадоў праходзіць агульная сустрэча еўрапейскай моладзі ў духу Тэзэ.

(ІK)

Абноўлена 06.03.2018 16:10
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.